Yosuwa 23

1

2

3

4

5

6

7

8

10

14

21

22

23

24

¹²“Yaa ebo ana en nuku pek, ge ebo boda bolo ku tagatelel iyoho hi mina gamwamiwa alomiyau nuku tubwi pamaisena ge nuku pealalolon-agimiu,

¹³he nuku atena bubun te Yehoba wami Yabowaine nige al boda o ni tatakel awomiwa. Yaa heliya nihi ola ami kota o ebo ami vineya, nihi ola hihiu elololina eputetemiu i lololi, o ebo pepesala matamiu i howahowa-an. Nihi ola to, ana siga nihi pwamowasemiu labi waiwaisana ya elana, toto Yehoba wami Yabowaine i pewa.

¹⁴“Sauga kekeisi abwe na yaomal, ni ola to tomipanayawi gegewela wala kamwasa. Atemiu gunina elana ku atena te bateli waiwaisal bolo Yehoba wami Yabowaine i batelemiu, nige etega i tatabwa bugul bwagabwaga. He wana bateli maisena ge maisena i paolaolaek eliyamiu.

¹⁵Yaa ebo Yehoba wami Yabowaine nige nuku hehenapu-an, inoke nak gegewel bolo i baunanagil ni patunahot eliyamiu, ni ola te wana bateli maisena ge maisena i paolaolaek. He ni ginol ola eliyamiu ana siga ni pwamowasemiu labi waiwaisana ya elana, toto i pewa.

¹⁶Ebo Yehoba wami Yabowaine wana bateli eliyamiu ana logugui nuku leke ge nuku kululu ge nuku tapwaloloek yabowaineyau gegetogal elal, inoke alona wana huga ni lahemiu, yaka etimwawa nuku mowasi hot labi waiwaisana ya elana, toto i pewa eliyamiu.”