YƐSÃÃ 97:1-6

¹Ti Yiɛ̀ nKuyie nkuù tu okpɑ̀ɑ̀tì, kɛtenkɛ̀ kɛmɔu kɔbɛ nyɑ̃nkunɛ̀, yɛhɛkɛ̀ dɛ́tiyɛ̀ kɔbɛ nhɑunɛ̀.

²Diwɛtirì nɛ̀ dibiìnnì dɛɛ̀ kù fitɛ́, kù bɑkɛ́ kɛ̀ dɛ̀ wennimu kɛ̀ ku beéntì sìɛ́.

³Muhɑ̃ɑ̃́ mmuù ni ku ììkɛ̀ kɛ kérí, kɛ tɔntì ku dùɔ̀ntɔbɛ̀ bɛ̀ɛ̀ kù fitɛ́.

⁴Kuù duɔ́ nkɛ̀ fɛtɑɑfɛ̀ mìí nkutenkù, kɛ̀ kutenkù kɔbɛ dɛ̀ yɑ̀u kɛ kpeutí.

⁵Yɛtɑ̃rɛ̀ yìɛ̀rimu ti Yiɛ̀ nKuyie nyììkɛ̀ mɛkùɔ̀ nkɔ̃mɛ, kunku ti Yiɛ̀ nKuyie nkùù bɑkɛ́ kutenkù kumɔu ku ììkɛ̀.

⁶Kɛĩ́nkɛ̀ nɑ̀ɑ́mmu Kuyie ntumɛ̀ timɔ́mmɔnti yiɛ̀, kɛ̀ yɛbotɛ̀ yɑ̀ ku kó tikpetì.