Sam 97:1-6

¹Leeme Silok neni Loorong Silok! Lavatkangka, unak lek! Nemi levesoxan kantubu at laras, mina sosoro!

²Lengkon takabu mi lubuxumin dung kan i. Neni im gomgonga limixin mi levelinga manmanton la lodoxoma avukat.

³Laxao im gomgonga i la i kotos kepe limixin munepen min mo dik lok kangkan i.

⁴Neni ik lox asu lavanga i mam la i soosoo axasep lavatbung menemen. La lavatkangka i reven i la ira dede.

⁵Lengkong kaana di xadan ngan levelumlut misiu ro melamgo at Leeme Silok, go melamgo at Leeme Silok at lavatbung menemen axap.

⁶La laxalibet i lox asuusu i do Leeme Silok ni laradi manmanton la larabung mixin axap di reven lisisinang teren.