YƐSÃÃ 85:5-13

⁵Kuyie nfɔ̃́ nti dɛɛtíwè ti tɛ̃́nnɛ́ní, bónkùnnɛ ɑ miɛkɛ kɛ̀ɛ̀ ti pɛikɛ.

⁶A miɛkɛ bo nhɑ̃ kɛ ti cɔ́ú nsɑ̃́ɑ̃̀? A miɛkɛ bo mbo ti ĩ́nkɛ̀ nɛ̀ ti yɑɑ̀bíoɑ̀?

⁷Fɔ̃́ɔ̃̀ í yóó wɛ̃tɛ kɛ ti fòùkùnnɑɑ̀? Tínti ɑ nìtìbɛ̀ kɛ ti pɛ́tɛ́ ɑ kó diwɛ̀ìɑ̀?

⁸Ti Yiɛ̀ nKuyie nti bɛnkɛ ɑ ti dɔ́mɛ̀, kɛ ti dɛɛtɛ́.

⁹N yó nkémmúmu n Yiɛ̀ nKuyie nyó n nɑ́kɛ́ tì, kɛ́ yɛ̃́ kù nɑ̀kɛ́mɛ̀ ku kɔbɛ kɛ tú bɛ̀ bo mbo diwɛ̀ì miɛkɛ bɛ̀ nɛ́ nyɛ̃́ kɛ bɑ́ɑ́ wɛ̃tɛ kɛ́tɑ dɛyɛinkpɛrɛ mudɔɔ̀rìmù.

¹⁰Kù dɛɛrímu bɛ̀ɛ̀ kù dé sɑ̃́ɑ̃̀, ku kó tikpetì yóó wɛ̃tɛ kɛ́buotɛ́mu ti tenkɛ̀.

¹¹Mɛdɔɔ̀rìmɛ̀ sɑ̀ɑ̀mɛ̀ nɛ̀ timɔ́mmɔnti dɛ̀ wɛ̃̀tɛnímu, dɛ̀ɛ̀ wenni nɛ̀ diwɛ̀ì kɛ̀ dɛ̀ buotɛ́.

¹²Timɔ́mmɔnti kó kuye yìɛ̀ní kɛtenkɛ̀ nkɛ, dɛ̀ɛ̀ wenni kɛ̀ dɛ̀ cuutiní dɛĩ́nkɛ̀.

¹³Ti Yiɛ̀ nKuyie nyóó ti duɔ́mmu mɛtuɔ̀, kɛ̀ tidiitìi pɛitɛ́ kɛtenkɛ̀.