YƐSÃÃ 71:1-6

¹N Yiɛ̀ nKuyie n wɑɑ̀ nfɔ̃́ɔ̃̀ borɛ̀ disɔ̀rì, bɑ́ɑ́ yóu kɛ̀ n di ifɛi bìtì!

²A wetí mɛ̀ɛ̀ kpɛ́í, n dɛɛtɛ́ kɛ́ n coo, n kéntɛ́ kɛ́ n dɛɛtɛ́.

³A ntú n kó dipèrì n sɔri dìì borɛ̀. A yĩmu ɑ yó nni ndɛɛrí, fɔ̃́ɔ̃̀ tu dipèrì dìì n kɑ̃nkɛ́, fɔ̃́ɔ̃̀ tu n cɛ̃kpetɛ̀.

⁴Kuyie nkùù n te n dɛɛtɛ́nɛ̀ bɛyɛibɛ, kɛ́ n fietɛnɛ̀ bɛkɔ̀ùbɛ̀ nɛ̀ bɛyonkubɛ nɔu miɛkɛ.

⁵N Yiɛ̀ nKuyie m búɔ́ fɔ̃́ nwe, n yɛ̃́ fɔ̃́ɔ̃̀ kpɛ́í nɛ̀ m bɛmmɛ̀.

⁶Nɛ̀ bɛ̀ m pɛitɛ́nímɛ̀ m buɔ́ fɔ̃́ nwe, fɔ̃́ɔ̃̀ n dènnɛní n yɔ̃ pɔutì miɛkɛ, kɛ̀ n dɑ sɑ̃ntí sɑ̃́ɑ̃̀.