YƐSÃÃ 62:1-6

¹Bɛdèmbɛ̀ kóo kótì dìèmmɛ̀ Dɑfiti yɛ̀nfɛ̀ Yedutunni dìè nfɛ̀.

²Kuyie mborɛ̀ mɑ́ɑ̀ ndi m mɔkɛmɛ̀ diwɛ̀ì, kuù n dɛɛrí.

³Kuù tu dipèrì dìì n kɑ̃nkɛ́, tɛcɛ̃kpetɛ̀ tɛ̀ɛ̀ n dɛɛrí, kɛ̀ kù m bonɛ̀ m bɑ́ɑ́ cĩtɛ.

⁴Ɔ̃mmɔ̀nnì ndi di yóó yóumɛ̀ di bo ntíkúmɛ̀, di bo domɛ̀ onìtì kóò pɔ̀ntɛ kumɑrí kùù ku ku kɔ̃mɛ? Kóò yèètɛ kuduotí kùù bíi nku kɔ̃mɛ?

⁵Di mɛ̀nkɛ dɑkiimu kɛ bo bɔ nhokpɑ̀ɑ̀tì, kɛ nɔnnɛ̀ siyɑ́ɑ̀bìsí, kɛ ɔ̃ nsɑ̃ntínɛ̀ di nɔ̀ di yɛ̀mmɛ̀ miɛkɛ kɛ nɛ́ buɔ̀ nkusĩ̀nkù.

⁶Kuyie mborɛ̀ mɑ́ɑ̀ ndi n yóó nɑ kɛ́pɛ́tɛ́mɛ̀ diwɛ̀ì, kɛ yɛ̃́ n ku mbúɔ́mɛ̀.