Miti Mânec 62:1-6

¹Maŋ qâqâtâc‐nanezi Anuturao ʒâŋe fihuc niniŋkekac, eraonec bâbâpiaŋ fisi‐nareekac.

²Eki sawa qânâ sanaŋ â babafic‐nane ekac, erâ huec‐nane ekacte qiriŋ boc mi qapemu.

³Ŋoŋe ŋic moctao quruŋ herâ ra tuŋkezo muŋgopieŋ, qânâsac hârehuc otewekicne iŋucne waha qarâ foocte, mâsi i wezimucko beheniŋmu?

⁴Ine hâcne e ʒai ʒoŋʒoŋ‐ticnehec domakacte bawahazo muŋgopieŋ. Burecte aŋac sâko‐jeŋic fokacte, miczi mumbiaŋkehuc maŋzi sopeckeeŋgopieŋ.

⁵Maŋ qâqâtâc‐nane, go Anuturao ʒâŋe fihuc niniŋkezemec, erao mamanac‐nane fokac.

⁶Eki sawa qânâ sanaŋ â babafic‐nane ekac, erâ huec‐nane ekacte qiriŋ boc mi qapemu.