YƐSÃÃ 59:2-12

²Kuyie n dɛɛtɛ́nɛ̀ n kpɑntídɛ̀ntɔbɛ̀, bɑ́ɑ́ yie nkɛ̀ n dootitɔbɛ̀ n nintɛ.

³N dɛɛtɛ́nɛ̀ bɛ̀ɛ̀ n dɔ́nɛ̀ mɛyɛi, n dɛɛtɛ́nɛ̀ bɛnitikɔ̀ùbɛ̀.

⁴Bɛnitidɔnnibɛ̀ bɛɛ̀ dɑ̀kɛ kɛ n wɑnti, bɛ̀ dɔ́ kɛ́ n kuɔmu. N Yiɛ̀ nKuyie m mɛ nyí cɑ̀ɑ̀rɛ̀, n yí dɔ̀ɔ̀ mɛyɛi mmɑmɛ̀.

⁵N yí cɑ̀ɑ̀rɛ̀ mùmɑmù kɛ̀ bɛ̀ cokùní kɛ bɑɑtiní kɛ bo n kuɔ. Ítɛ́ kɛ́ n teennɛ̀, wéntɛ́ kɛ́yɑ̀.

⁶Ti Yiɛ̀ nKuyie Mpɑkɛdɑɑ Isidɑyɛɛribɛ tũ nkù, cómmú kɛ́kpɑnnɛ̀ yɛbotɛ̀, ɑ bɑ́ɑ́ cĩ́ɛ̃́ ndɛ kó bɛnitiyonkubɛ bɛ̀ɛ̀ í dɔɔri bɛ̀ nɑ̀ɑ́ ntì.

⁷Bɛ̀ ɔ̃ɔ̃ wɛ̃tɛní kuyuoku nku, kɛ́nhóú simɔɔ́ kɔ̃mɛ kɛ firì dihɛì.

⁸Tinɑ́ɑnyɛiti tiì pìɛ́kɛ́ bɛ nɔ̀ miɛkɛ, kɛ̀ bɛ nɔ́ndiɛ́ ndò mmɛsekontibii, bɛ yɛ̀mmɛ̀ dò nhòmɔù í yóó keèmu bɛ̀ nɑ̀ɑ́ ntì.

⁹Fɔ̃́ n Yiɛ̀ nKuyie nkɑ̀ɑ nɛ́ bɛ̀ dɑú, ɑ dɑúmu yɛbotɛ̀ yɛmɔu.

¹⁰M búɔ́ fɔ̃́ nwe, fɔ̃́ nwèè n kɑ̃nkɛ́, fɔ̃́ nKuyie nfɔ̃́ɔ̃̀ tu n wɛ̃rímú.

¹¹Fɔ̃́ nKuyie n tũ nkù ɑ sɑ̀mu kɛ̀ fɔ̃́ɔ̃̀ yó n niitɛ́, fɔ̃́ɔ̃̀ yó nte kɛ̀ n nɑ n dootitɔbɛ̀.

¹²Bɑ́ɑ́ kuɔ yɛbotɛ̀ mɛcɑ̃ɑ̃, bɛnìtìbɛ̀ yɑ̀ɑ̀ bo yɛ̃̀ nhɑ nɑmɛ̀, nɛ̀ ɑ kó muwɛ̃rímú duɔ́ nkɛ̀ bɛ̀ ncooti kɛ doti. Kuyie nfɔ̃́ɔ̃̀ tu ti kó kudɔpìkù