Pesalem 59:2-12

²Ôjaŋgo aê su aŋga secwaga nêŋ. Ma ônam aê sa aŋga lau, taŋ sêkêc dec siŋ naŋ nêŋ.

³Gôlicgac me, êsêac têtu kêka-kêka sebe senseŋ katuc su. Ma ŋactêkwa sêkac sa sebe senseŋ aê. O Apômtau, aê gagôm gêŋ geo teŋ atom.

⁴Aêŋoc biŋ masi, mago êsêac sêlêtigeŋ mêŋtêdênaŋ tauŋ sêkô sebe sênac aê. Ôndi mêŋônam aê sa ma ônac êsêac.

⁵O Apômtau, lau siŋ undambêŋa nêŋ Anôtô ma Israelnêŋ Anôtô aômgoc, ôndi, ôkêŋ ŋagêjô êndêŋ lau samuc samob. Taêm labu êsêac, taŋ sêgôm aômnêm biŋ paliŋ ŋa biŋ alôb-alôb naŋ, nêŋ teŋ atom.

⁶Êsêac amboac kêamgeŋ sêmu e mêŋseola malac auc kêtôm kêtulageŋ.

⁷Ôlic êsêac aweŋ ôpic kêsa. Imbeleŋ kêtôm siŋ gebe êsêac taêŋ gêjam gebe “Asa oc êŋô aêac.”

⁸O Apômtau, aôm kôômac êsêac. Aôm kôsu lau samuc susu.

⁹Ŋoc ŋaclai aôm, gabe matoc êsap aômgeŋ gebe aôm Anôtô, kôtu ŋoc tuŋtêna.

¹⁰Ŋoc Anôtô oc êpuc aê tôŋtôŋ êmêŋ tonê têtac gêwiŋ aêŋa. Eŋ oc êkêŋ aê jalic eŋ êku ŋoc ŋacjo tulu.

¹¹Ônac êsêac êndu atom ec ŋoc lau mateŋanô êpi êsêac ma sêliŋ biŋ siŋ atom. Aôm ŋaclai, onsoc êsêac gebe seo êliŋ-êliŋ sêmoa. O Apômtau, aêacma lamu aôm, nêm ŋaclai êtiŋ êsêac piŋpaŋ nasênêc.

¹²Êsêac aweŋsuŋ sec, ma biŋ, taŋ kêsa gêdôŋôlic naŋ, amboac tonaŋ. Ôkêŋ êsêac sêwê nêŋ tetoc tauŋ sa êtu uc ma sêwê nêŋ biŋ alôb-alôb to biŋdansaŋ, taŋ sêsôm naŋ, amboac tonaŋ.