Y Salmo Sija 59:2-12

²Nalibreyo gui chumogüe y tinaelaye, ya satbayo gui manmejga na taotao sija.

³Sa, estagüe, na mananangga y antijo: y manmetgot mandaña contra guajo; ti pot y tinaelayeco, ni ti pot y isaojo, O Jeova.

⁴Manmalago ya japrepara sija, sin y linachijo; fagmata, ya unayudayo, ya unlie.

⁵Jago Jeova, Yuus y inetnon sendalo, si Yuus Israel; fagmata ya unbisita todo y nasion sija; chamo gagaease ni y manaelaye. Sila.

⁶Manalo guato yan pupuenge: ya manboruruca taegüije y galago, ya malilicucue y siuda.

⁷Liija, sa mannutugap juyong guinin y pachotñija: espada sija guaja gui jalom labiosñija; jaye, ilegñiñija, cao jajungog?

⁸Lao jago, O Jeova, siempre unchatgue sija; siempre unmofea todo y nasion.

⁹O minetgotto, junanangga jao; sa si Yuus y guimajo lumijing.

¹⁰Si Yuusso nu y minaaseña, ugaegue gui menajo: si Yuus unaliiyo y minalagojo, gui jilo y enemigujo sija.

¹¹Chamo pumupuno sija, sa trabia ti manmalelefa y taotaojo; chalapon sija pot y ninasiñamo; ya unchule sija papa, O Jeova, patangmame.

¹²Pot y isao y pachotñija, yan pot y sinangan y labiosñija, polo ya ufanmacone, pot y sobetbioñija: yan pot y matdision, yan manmandadague ni y sinanganñija.