YƐSÃÃ 51:3-13

³Áú Kuyie! N kuɔ́ mmɛsémmɛ̀ ɑ sɑ̀ɑ̀ nkpɛ́í, ɑ sémmɛ̀ dɛumu, ũtɛ́ n yɛi.

⁴Nh ɔ́útɛ́ pɑ́íí kɛ́ n wénkùnnɛ n yɛi.

⁵M bɑntɛ́mu n cɑ̀ɑ̀rɛ̀mɛ̀, n wúómmu n yɛi n sɑ̃́ɑ̃̀.

⁶N yetɛ́nɛ̀ fɔ̃́ nwe ɑmɑ́ɑ̀, kɛ dɔ̀ɔ̀ ɑ í dɔ́ dɛ̀, dɛɛ̀ te kɑ̀ɑ yó nni nkpɑnnɛ̀ kɛ nɑɑti, òmɔù bɑ́ɑ́ sɛi nhɑ beéntì.

⁷N tú mɛyɛi nyiɛ̀ nwe nɛ̀ bɛ̀ m pɛinímɛ̀, nɛ̀ mɛyɛi mmɛ n yɔ̃ m pùónnímmɛ̀.

⁸A dɔ́ dɛ̀ onìtì yɛ̀mmɛ̀ miɛkɛ dɛɛ̀ tu: Ò bo ntũmmɛ̀ timɔ́mmɔnti. N duɔ́ mmɛciì n yɛ̀mmɛ̀ miɛkɛ.

⁹N wénkùnnɛ nɛ̀ ìsɔ́pù kó tifɑ̃ɑ̃̀tì kɛ n wenkɛ pɑ́íí, nh ɔ́útɛ́ kɛ n wenkɛ kɛ́nɑɑ́nnɛ̀ kupɑ̀ɑ̀kónkù.

¹⁰Nɑ́ríkùnnɛ n yɛ̀mmɛ̀, n duɔ́ ndiwɛ̀ì, kɛ̀ n yɛ̀mmɛ̀ɛ cɑ́tɛ́, mí nhɑ potɛ́ wè kɛ n nɑ̀ntoo.

¹¹Ũtɛ́ n yɛi mmɛmɔu, bútínnɛ́ n cɑɑ̀rìmɛ̀.

¹²Áú Kuyie! Nh ɑ̃nnɛ́ mɛyɛnwennimɛ, tũntɛ n yɛ̀mmɛ̀ kɛ̀ mɛ̀ mbo ɑ bíɛ́kɛ̀.

¹³Kuyie mbɑ́ m bɔntóo, bɑ́ɑ́ dɛitɛ ɑ kó Muyɑɑ́nsɑ̀ɑ̀mù m miɛkɛ.