GWAY GI IDAWUU’D 51:3-13

³Haali/ aha/ misha gwon dhaŋ pem mo, dhali miinthus pem di’d ka yempa/ e bwambori aha/ mo.

⁴Ap̱o/ /e, /e ’de/ mo tani a’di imiikika/ miinthus mo, dhali mii a’din thus yin jin shi/a shi/ e bwambori jis/em pini mo, wakan /e karu ki mo ma ḵar/e e gwom pini jin tora /e ’twa/a ’cesh mo, dhali dar gi mii ’ba/ e gwon dwall pini mo.

⁵Hili mo mo ma, aha/ ḵalunu ka pije/ e miinthus mo, dhali e miinthus mo tani ata’dam pem bwaaki aha/ mo be.

⁶Hili mo mo ma /e ona bwa ki gwoŋ gana/ e isi bwaman ma dum ’per mo. Dhali gom gwo gi wakan mo tani ṯori aha/ gwo gom moyuḵ mo eya dum pem ki kup̱ mo.

⁷Dhagami aha/ mo ki cwa jin wana e ka ’tasha jalbip̱ mo, dhali aha/ mina dheleladhelel mo. Lami aha/ mo dhali aha/ mina c̱a’bki bany bany mmobola wasa/ e mo.

⁸’Tu’di aha/ ki bwam ’borga/ mo dhali ki bwaŋ ’kunyga/ mo. Dhalka sima/ jin ’ce’da /e mo ’kunya bwa mo si’da/.

⁹Bagi jis/em pini ’peni miinthus pem mo dhali ’koshi aris miinthus pemi ’baar mo.

¹⁰Uḵi e aha/ adun dhelelga/ mo, ayy Arumgimis, dhali kar jin this dhali jin ’boro’d e bwaman shi/in pem mo.

¹¹Dhalku/ ki biṯ aha/ asho ’peni buŋ’kus pini mo, dhali dhalku/ ki bu’th Shi/in dhelel dhelel pini ’peni aha/ mo.

¹²Wari bwaŋ ’kunyga/ is e aha/ mo e bway gi mowoṯẖ pini mo, dhali buthi aha/ me’d ki bwa gi shi/in mo.

¹³Dhali yan’ko’d aha/ mina ṯor imandhaŋ gwo bway pini mo, dhali imanmii miinthus mo mini ṯu’k mo e /e mo be.