ZABURA 51:3-13

³Má a taarinↄ dↄ̃ sà, ma durunna dìgↄ̃ sãmaguro.

⁴Mↄkↄ̃mmɛ ma durunna kɛ̀nnɛ, ma yã kũ ń yeiro kɛ̀. Tó n yã ò, n yã nigↄ̃ zɛ́ vĩ, tó n yãkpatɛ kɛ̀ kũmao, n yã nigↄ̃ nna.

⁵Zaa ma da nɛ̀sɛn má vãni, má durunna vĩ zaa ma ina gↄrↄmɛ.

⁶Nɛ̀sɛmana mɛ́ àdi kángu, ǹ ↄ̃ndↄ̃ damɛnɛ ma swɛ̃̀ɛ gũn.

⁷Ǹ ma zú o kũ sakoo mà pu swáswa, ǹ ma nɛ̀sɛ pípimɛnɛ mà gↄ̃ púu táitai.

⁸Ǹ tó mà pↄnna kɛ kũ yáadↄnaao, ǹ tó ma wá kũ n bùsanↄ were.

⁹Ǹsun ma durunnanↄ yã daro, ǹ ma yã vãninↄ bo ǹ zukũna pínki.

¹⁰Luda, ǹ nɛ̀sɛpura damɛnɛ, ǹ ɛra ǹ tó ma laakari gↄ̃ kpatɛna.

¹¹Ǹsun ma zukũnaro, ǹsun n Nini símaro.

¹²Ǹ ɛra ǹ tó ma pↄ kɛ nna kũ n ma sura bà yãi. Ǹ ma nini gba màgↄ̃ n yã ma,

¹³gbasa mà n yã dada yãvãnikɛrinↄnɛ, durunnakɛrinↄ ni ɛra ò arɛ dↄmma.