YƐSÃÃ 19:8-13

⁸Kuyie nkuɔ́ dò mpɑ́íí nwe kɛ duɔ̀ mmufòmmu, ku tɑnnɔ̀ tu yɛmɔ́mmɔnyɛ nyɛ, kɛ ciìnko bɛsĩ́ntíbɛ̀.

⁹Kuyie ndɔ́ dɛ̀ wennimu kɛ nɑ́ríkùnko mɛyɛ̀mmɛ̀, ku tɑnnɔ̀ dò mpɑ́íí nwe kɛ nɑ́ríkùnko inuɔ.

¹⁰A bo ndémɛ̀ Kuyie ndɛ̀ wennimu, dɛ kó fɛdédíéfɛ̀ ɔ̃ mbo sɑ̃́ɑ̃̀ nwe. Kù tɑ̃ɑ̃tɛ́ tì wennimu kɛ tú timɔ́mmɔnti.

¹¹Tì wenninɛ̀mu mɛsɔɔ, kɛ pɛ̃nkù mɛsɔɔ nsɑ̀ɑ̀mɛ̀ kuwenniku. Tì wɛ̀ɛ̀tinɛ̀mu mɛcekùɔ̀, kɛ pɛ̃nkù mɛcekɔ̀bɛ́mmɛ̀ kunɑɑtí.

¹²A dɛ̀ tiènnɛ̀ mí nwe ɑ kóo tɔ̃ntì. Wèè yié nhɑ kpɛti ò pɛ́úmu mucɔ̃́ntimu diɛmù.

¹³We nyɛ̃́ o yetímɛ̀? N cĩ́ɛ̃́ n yí yɛ̃́ mɛ̀ɛ̀ yɛi,