YƐSÃÃ 143:2-10

²Bɑ́ɑ́ bekɛ́nɛ̀ mí nhɑ́ kóo tɔ̃ntì, kɛ yɛ̃́ òmɔù í bomɛ̀ wèè bo yĩ́ ò í mɔkɛ mɛyetímɛ̀.

³N dootitɔù weè m bɛ̀ti, ò m bɔmmu kɛ nɑù, ò n tɑnnɛ́ dibiìnnì miɛkɛ nkɛ, kɛ̀ n sɑ̃̀ɑ̃́tɛ́nɛ̀ bɛ̀ɛ̀ duɔ́ kudɔnkù nɛ̀ dimɔ̀nnì.

⁴Dɛ̀ m bimu n tɛ̃́nkɛ í nɔ nkɛ nɑmpú.

⁵N kpɑɑ́ kɛ yɛ̃́mu yɛwe yɛ̀ɛ̀ pɛ̃ɛ̃tɛ́ yɛ kpɛ́í, n kpɑɑ́ siɛmmumu mutɔ̃mmú ɑ do dɔɔri mù ĩ́nkɛ̀, kɛ totí n yɛ̀mmɛ̀ ɑ dɔ̀ɔ̀ dɛ̀ ĩ́nkɛ̀.

⁶N yuo n nɔu nsi kɛ dɑ bɑ́ɑ́, n dònnɛ̀ kɛtenkɛ̀ kɛ̀ɛ dóntɛ́ kɛ̀nkɛ mɛniɛ.

⁷N Yiɛ̀ nKuyie ncɑ̃rikɛ kɛ́cɔutɛ́ m bɑ́ɑmmìi, dɛ̀ m bimu ɑ bɑ́ɑ́ m bútínnɛ́, kɛ̀ mɛɛ̀ dɔkɛ m bo nɑɑ́nnɛ̀ bɛ̀ɛ̀ duɔ́ kudɔnkù.

⁸Bɑ́ dìì kṹnweńnì ɑ n nɑ́kɛ́ ɑ kó mɛsɑ̀ɑ̀, kɛ yɛ̃́ n yĩkúmɛ̀ fɔ̃́ɔ̃̀ ĩ́nkɛ̀, m bɛnkɛ kucɛ n do nkɛ́tũnnɛ kù, n duɔ́ nfɔ̃́ nwe mmɑ́ɑ̀.

⁹N Yiɛ̀ nKuyie nhɑ́ n dɛɛtɛ́nɛ̀ n dootitɔbɛ̀, n sɔri fɔ̃́ɔ̃̀ borɛ̀.

¹⁰M bɛnkɛ kɛ̀ n nɑ kɛ́ndɔɔri ɑ dɔ́ dɛ̀, kɛ́yɛ̃́ fɔ̃́ nKuyie nfɔ̃́ɔ̃̀ n temɛ̀, ɑ kó Muyɑɑ́nsɑ̀ɑ̀mù n niitɛ́ kucɛ kùù ɛ̀ri.