Taalie 31:5-21

⁵xa na mu a ra e nɛɛmuma nɛ e yɛtɛ xa sɛriyɛ ma, e fa tɔɔrɔmixi yanfa.

⁶Na minse mɔɔli xa so mixie nan yi, naxee na saya kira xɔn ma, alako e xa nɛɛmu e xa fe xɔrɔxɔɛ birin ma.

⁷Naxan wɛni minxi a nɛɛmuma nɛ a xa setareɲa ma, a mu ratuma a xa tɔɔrɛ ma sɔnɔn.

⁸I xa dɛtare xunmafala, i xa misikiinɛ mali.

⁹I xui ramini, kiiti sa nɔndi ra. I xa tɔɔrɔmixi nun setare xunmafala.

¹⁰Nde nɔma ginɛ fanyi sɔtɔde? A tide gbo diyaman bɛ.

¹¹A xa mɔri laxi a ra, a findixi harige fanyi nan na a bɛ tɛmui birin.

¹²A fe fanyi rabama a xa mɔri bɛ, a mu fe ɲaaxi yo rabama a ra a xa duniɲɛigiri kui.

¹³A yɛxɛɛ xabe nun gɛsɛ fute fenma, a nee rafalama sosee ra. Na wali rafan a ma.

¹⁴A luma alɔ yulɛ xa kunkui, a sa baloe fenma yire makuye a fa a ra.

¹⁵A kurunma nɛ alako a xa kuri so a xa denbaya bɛ, a man wali so a xa walikɛ ginɛe yi ra.

¹⁶A bɔxi matoma nɛ, a fa na sara. A geeni naxan sɔtɔma a na sarama sansi nan na, a a si.

¹⁷A tunnabɛxi, a walima sɛnbɛ ra.

¹⁸A a kolon a xa wali sɔɔnɛyama nɛ. A lanpui radɛxɛma nɛ, a wali kɔɛ fan na.

¹⁹A yɛxɛɛ xabe findima nɛ gɛsɛ ra, a gɛsɛ findima sose ra.

²⁰A setare kima, a misikiinɛ malima.

²¹A mu gaaxuma ɲɛmɛ ya ra, barima a xinbeli donma fanyie yailanxi a xa denbaya bɛ.