Soũↄ 39:2-12

²Ma mɛ̀ máↄ azĩa kũa dↄ̃ɛ, má tó ma lɛ́ ma da duunauo. Tó gbɛ̃vãiↄ kumanↄ, má a lɛ́ fↄ̃́.

³Ma lɛ́ kpaaũa, má kú kílikili, mi yãe oo, baa yãmaa, ↄ̃ ma yã'ↄ̃ma ɛ̀a kã̀fĩ.

⁴Ma sↄ̃ pusu bↄ̀ ma guu, kɛ́ ma làasookɛ̀, ma nↄ̀sɛ tɛ́ bↄ̀, ↄ̃ ma yã'ò ma mɛ̀:

⁵Dii, to mà a kua lɛ́ dↄ̃, ń ma gↄↄ dasilɛo. To mà dↄ̃ lá ma wɛ̃ni ì gɛ̃zɛa àa.

⁶N ma wɛ̃ni lɛ́ yↄ̃̀ n ↄtão, ma kua dɛ wɛ́ ń níola n kĩ́io. Gbɛ̃́pii ì gɛ̃zɛa lán ĩ́anawaɛ,

⁷gbɛ̃nazĩna bɛa ìↄ dɛ lán uenawaɛ. Ì kɛ bã̀abãa ì àizɛɛ kãaa, ãma a dↄ̃ dé a gↄ̃ɛ̀o.

⁸Lá màaɛ, bↄ́ má wɛ́ aↄ dↄi lↄi? Ḿmɛ ma wɛ́ dↄnzi, Dii.

⁹Ma tàaeↄ kɛ̃a, ńsu to mìsaideↄ ma àlafiikɛo.

¹⁰Ma lɛ́ kpaaũa, mi a lɛ́ wɛ̃aao, asa ḿmɛ n yã́pi kɛ̀.

¹¹Ńsu ma gbɛ̃ lↄo, n ↄgbala lɛ́ ma kãsãnkɛ.

¹²Ni gbɛ̃́ toto, ni aà wɛtã aà duuna yã́i, ni aà àizɛɛ sóso lán blɛ́wa. Gbɛ̃́pii ì gɛ̃zɛa lán ĩ́anawaɛ.