SALAMO 39:2-12

²Lau na asi reḡereḡegu, asi egu hereva, hereva ta asina gwauraia, to se heḡereḡere;

³egu lalo-hisihisi vada e bada e laova, lalogu na e siahu e laova; na haeroava lalonai lahi e arava, bena malagu amo na hereva.

⁴Iehova e, egu doko negana boma hadibagu, egu dina na ede hohodia; egu mauri ede e heau tomamu bama diba.

⁵A itaia, egu dina vada o kara, ima lababadia hida hodia na heto; egu mauri na dia ḡau ta oi vairamu ai. Momokani, taunimanima iboudiai edia mauri na hahodi tamona na heto; (Selah)

⁶momokani, taunimanima na e loaloamu, vabura na heto. Momokani, edia hekwarahi na asi anina; idia ese taḡa e habouamu, a asi dibadia daika ese baine abia.

⁷Ḡaubada e, dahaka na nariamu? Egu helaro na oi.

⁸Egu kara dika iboudiai lalodia amo ba harohogu mauri; kavakava taudia na ba laodia ahu, basie ihi-ihiraigu.

⁹Lau na asi reḡereḡegu, udugu asina haḡaia; badina be oi ese o karaia.

¹⁰Emu hekwadi na egu amo bavabia oho; oi imamu ena hedadaba ese vada e alagu.

¹¹Taunimanima na edia kara dika daidiai o gwau henidiamu negedia ai na idia hairaidia o ha-oreamu, kaubebe na heto. Momokani, taunimanima iboudiai na hahodi tamona na heto. (Selah)

¹²Iehova e, egu ḡuriḡuri ba kamonai; egu taitai ba hakala henia; iruru-matagu ba itadia negana ai, udumu basio hakapua. Badina be lau na emu vadivadi; lau na noho-hedoa taugu, senegu iboudiai heḡereḡeredia.