ܡܙܡܘܪ̈ܐ 39:2-12

²ܗܘܹܐ ܠܝܼ ܠܲܥܠܵܐ ܘܫܬܝܼܩܵܐ، ܐܘܼܦ ܫܬܝܼܩ ܠܝܼ ܡ̣ܢ ܛܵܒ݂ܬܵ‌ܐ، ܘܕܲܪ̈ܕܝܼ ܙܝܼܕ ܠܗܘܿܢ،

³ܚܝܼܡ ܠܹܗ ܠܸܒܝܼ ܒܓܵܘܝܼ، ܒܗܲܓܲܝܬ‌ܝܼ ܒܸܠܒ݂ܵܟ݂ܵܐ ܝܗܘܵܐ ܢܘܼܪܵܐ، ܗ̇ܝܓܵܗ ܗܘܼܡܙܸܡ ܠܝܼ ܒܠܸܫܵܢܝܼ:

⁴”ܡܲܕܸܥ ܐܸܠܝܼ، ܝܵܐ ܡܵܪܝܵܐ، ܚܲܪܬ‌ܝܼ، ܘܡܫܘܼܚܬܵ‌ܐ ܕܝܵܘܡܵܢܝܼ̈ ܡܘܼܕܝܼ ܝܠܵܗ̇، ܕܝܵܕܥܹܢ ܟܡܵܐ ܙܲܒ݂ܢܵܢܵܝܵܐ ܝܘܸܢ ܐܵܢܵܐ.

⁵”ܗܵܐ، ܟܸܪ̈ܝܹܐ ܥܒ݂ܝܼܕܵܝ ܠܘܼܟ݂ ܝܵܘܡܵܢܝܼ̈، ܘܡܸܬܚܵܐ ܕܚܲܝܝܼ̈ ܐܲܝܟ݂ ܗܸܟ̃ ܡܸܢܕܝܼ ܝܠܹܗ ܠܟܸܣܠܘܼܟ݂، ܫܲܪܝܼܪܵܐܝܼܬ، ܐܲܚܟ̰ܝܼ ܚܕܵܐ ܢܫܲܡܬܵ‌ܐ ܝܠܹܗ ܟܠܔ ܒܲܪܢܵܫܵܐ. ܣܹܠܵܗ

⁶”ܫܲܪܝܼܪܵܐܝܼܬ، ܐܲܝܟ݂ ܨܲܠܡܵܐ ܟܹܐ ܚܵܕܹܪ ܐܢܵܫܵܐ، ܫܲܪܝܼܪܵܐܝܼܬ، ܒܣܪܝܼܩܘܼܬܵ‌ܐ ܟܹܐ ܫܵܓܹܫ، ܟܹܐ ܡܲܙܝܸܕ ܥܘܼܬܪܵܐ ܘܠܹܐ ܝܵܕܹܥ ܡܵܢܝܼ ܒܸܬ ܓ̰ܲܡܸܥ ܠܹܗ.

⁷”ܘܐܵܕܝܼܵܐ، ܠܡܘܼܕܝܼ ܣܵܦܪܹܢ، ܝܵܐ ܡܵܪܝܵܐ؟ ܣܲܒ݂ܪܝܼ ܒܝܼܘܼܟ݂ ܝܠܹܗ.

⁸”ܦܲܨܝܼ ܠܝܼ ܡ̣ܢ ܟܠܵܝܗ‌ܝ ܓܢܵܗ‌ܝܼ̈، ܠܵܐ ܥܵܒ݂ܕܹܬ ܠܝܼ ܠܵܘܡܵܐ ܕܣܲܟ݂ܠܵܐ.

⁹”ܗܘܹܐ ܠܝܼ ܠܲܥܠܵܐ، ܠܵܐ ܦܬܝܼܚ ܠܝܼ ܦܘܼܡܝܼ، ܣܵܒܵܒ ܐܲܢ݇ܬ ܥܒ݂ܝܼܕ ܠܘܼܟ݂ ܐܵܗܵܐ.

¹⁰”ܡܲܥܒܸܪ ܡܥܲܠܝܼ ܡܚܘܿܬܘܼܟ݂، ܡ̣ܢ ܡܚܵܝܬܵ‌ܐ ܕܐܝܼܕܘܼܟ݂ ܐܵܢܵܐ ܬܝܼܡ ܠܝܼ.

¹¹”ܟܹܐ ܬܲܥܠܡܸܬ ܐܢܵܫܵܐ ܒܢܓ̰ܵܘ̈ܝܵܬܹ‌ܐ ܒܘܼܬ ܥܵܘܠܵܐ، ܘܟܹܐ ܡܲܚܪܸܒܸܬ ܐܲܝܟ݂ ܐܸܟ݂ܠܵܐ ܡܸܢܕܝܼ ܕܫܲܗܘܸܬ ܐܸܠܹܗ، ܫܲܪܝܼܪܵܐܝܼܬ، ܢܫܲܡܬܵ‌ܐ ܝܠܹܗ ܟܠܔ ܒܲܪܢܵܫܵܐ. ܣܹܠܵܗ

¹²”ܫܡܹܥ ܨܠܘܿܬ‌ܝܼ، ܝܵܐ ܡܵܪܝܵܐ، ܘܠܓܥܵܝܬ‌ܝܼ ܗܲܒ݂ܠܔ ܢܵܬܵ‌ܐ، ܠܕܸܡܥܝܼܬ‌ܝܼ ܠܵܐ ܫܵܬܩܹܬ، ܒܗ̇ܝ ܕܡܵܫܵܚܲܛ ܝܘܸܢ ܐܵܢܵܐ ܠܟܸܣܠܘܼܟ݂، ܬܵܘܬܵܒ݂ܵܐ ܐܲܝܟ݂ ܟܠܵܝܗ‌ܝ ܐܲܒ݂ܵܗܵܬ‌ܝܼ̈.