1Dii á Lua pↄ́ ì tↄsimáɛ. Lua pↄ́ ì tↄsimá, bↄ gupuau!
2Dṹnia yã́kpalɛkɛna, fɛlɛ! Fĩa bo ĩ́andãnaↄnɛ ń yãkɛawa.
3Gbɛ̃vãiↄ aaↄ pↄnakɛ e bↄɛ ni? Aaↄ tidↄwála e bↄɛ ni, Dii?
4Vãikɛnapiↄ ì gↄ̃sagↄ̃sa yã'o, aaì yãbↄlɛ, aaì ĩ́anadã ḿpii.
5Dii, aaì táa'o n gbɛ̃́ↄwa, aaì gbãamↄ gbɛ̃́ pↄ́ n ń sɛ́piↄnɛ.
6Aaì gyaa gbɛ̃andoↄ ń bↄ̀mↄↄ dɛdɛ, aaì tonɛ pↄ́ gwana vĩoↄ suumpa.
7Aaì mɛ Dii lɛ́ ń eo, Yakↄbu buiↄ Lua laai kúmáo.
8Á sↄũↄ, à laaika! Á mìsaideↄ, á ↄ̃nↄkũ bↄɛɛ la?
9Lua swã́ pɛ̀, ìli yãmao lé? À wɛ́ kàsa, ìli gu'eo lé?
10Ì bui píi toto, a ń swã́gagaoa? Ì yãdanɛ́, a dↄ̃a vĩoa?
11Dii gbɛ̃nazĩna làasooↄ dↄ̃, a dↄ̃ kɛ́ aa yãfũu lán gbɛ́ tíwa.
12Báaaden gbɛ̃́ pↄ́ ni toto, ni n ikoyã dadaɛ ũ, Dii.
13Ni aà nↄ̀sɛ daɛ̀ doũ taasikɛgↄↄ, e wà gɛ ɛyↄ̃ vãikɛnaɛ.
14Dii a pãkpa a gbɛ̃́ↄzio, a gbɛ̃́ pↄ́ á sɛ̀ a pↄ́ ũↄ vũaao.
15Wa ɛa yã́kpalɛkɛ a zɛ́wa, nↄ̀sɛpuadeↄ i zɛò.
16Démɛ a fɛlɛmɛɛ gbɛ̃vãiↄwai? Démɛ a zɛmanↄ vãikɛnaↄ musui?
17Mɛ́ i kɛ Dii dↄnlɛkɛ̀mɛɛ yãa no, dↄ̃ má kú miau kílikili gↄ̃̀ↄ.
18Kɛ́ ma mɛ̀ zãana lɛ́ ma sɛ́lɛ, n ma kũ n gbɛ̃kɛ guu, Dii.
19Kɛ́ ma làasoo kↄ̃̀ ma sↄ̃u, n ma sↄ̃ nìnimɛɛ n ma pↄ kɛ̀na.
20N lɛ́ líↄ ku yã́gↄ̃gↄ̃n koleaↄ yã́uo, an yãdilɛaↄ ì mↄnɛ́ ń taasio.
21Aaì lɛkpaaĩ gbɛ̃maazi, aaì yãda tàaesaidea wà aà dɛ.
22Dii mɛ́ ma zɛgikĩi ũ, ma Lua mɛ́ gbɛsi pↄ́ mi ulɛu ũ.
23A ń vãikɛa sↄaamáɛ, i ń buibↄ an tàaeↄ yã́i, Dii wá Lua a ń buibↄ.
