Yaburina 39:2-12

²N bata a fala, n naxa, “N na n kɛwanle rakɔrɔsima nɛn, alogo n dɛ xuiin nama n bira yulubini. N mi fa fala yo tiyɛ muxu ɲaxine yɛɛ xɔri.”

³N yi n dundu, n yi n naxara, n mi yi fala yo tima hali fe faɲina, koni n ma sɔxɔlɛn yi siga fari sɛ tun!

⁴N bɔɲɛn yi wolon n kui. N to yi n mirima a ma, a yi n kuiin gan fɔlɔ alo tɛɛna. N yi falan ti fɔlɔ, n naxa,

⁵“Alatala, n siin soge dɔnxɛn yita n na e nun a yatɛ saxina. I xa n nakolon a n ma siimayaan mi buma.”

⁶I tan nan n ma lɔxɔne yatɛn nadungixi ayi. Sese mi n siin waxatin na i yɛɛ ra yi. Adamadiin birin buma nɛn alo foyedin gbansan!

⁷Nininna nan gbansan a tan na. Muxuna a masigama, a feen ligama koni fuyan! A nafunla malanma, koni naxan a sɔtɛ a xanbi a mi na kolon.

⁸Marigina, n fa n xaxili tima nanse ra nayi? N na n yigin sama i tan nan yi.

⁹N nakisi n yulubin birin ma. I nama tin daxune yi gele n ma.

¹⁰N yi dunduxi nɛn. N mi yi fala yo tima. Amasɔtɔ i tan nan ito ligaxi n na.

¹¹I ya furen ba n ma, benun i xa n naɲan tɔrɔni.

¹²I muxun maxadima a hakɛna fe ra i yi a hakɛn saran a ra. I muxuna nafunle kalama alo xiine. Adamadi yɛtɛɛn ligaxi nɛn alo foyedina.