Yontu 39:2-12

²Mɑɑ tʋwɑ mɑ tɑɑ kɛ́ sɩ mɑɑ feŋ mɑ tɔntɛ tɔɔ, nɑ mɑ́ tɑɑ pəntənɑ mɑ nɔɣɔ. Mɑɑ kpɑ mɑ nɔɣɔ kɛ wɑɑtʋ wei ɩsɑɣɑtʋ kɑ́ wɛɛ mɑ kiŋ tɔ.

³Pə tɔɔ kɛ́ mɑ sumɑ ɩsɩɩ kɑmumukɑ. Amɑ mɑ lɑŋlɛ wɑkəlɑɑ nɑ mɑ wʋsɑsɩ sɔɔsɩ.

⁴Nəɣəsɛɛ pɩɩ-m nɑ ɑ́ nyɑɣɑ mɑ tɑɑ ɩsɩɩ kɔkɔ nɑ mɑ́ mɔləɣɩ. Ntɛnɑ pə́ cɑɑlɩ-m sɩ mɑ́ sələmɩ sɩ:

⁵Tɑcɑɑ kɛɛsɩ-m sɑɑ wei mɑ weesuɣu kɑ́ tɛ tɔ. Kʋyɛɛŋ ɩsənɑɣɑ pə kɑɑsɑ-m. Yele nɑ mɑ́ nyɩ ɩsənɑ mɑ wɛ tətɑntɑɑ tɔ.

⁶Mɑ weesuɣu tɑɣɑləŋ wɛ kɛ́ ɩsɩɩ ntɑntɑkʋ wɑŋ. Pəyele kʋ tɑ kɛ-ŋ pʋlʋ. Yəlɑɑ tənɑ wɛ kɛ́ ɩsɩɩ heelim.

⁷Yʋlʋ cɔɔkɩ kɛ́ ɩsɩɩ ɩsotom, nɑ ɩ́ tɑŋtəɣɩ ɩsɩɩ heelim, nɑ ɩ́ kɑɑkɩ wɛnɑʋ huwɑ. Amɑ ɩ tɑ nyɩ kʋ kuulu.

⁸Tɑcɑɑ, pənɛntɛ pepeɣe mɑ tɑsəɣɩ tɛɛlʋɣʋ? Nyɑɣɑ mɑɑ tɛɛlɩ təkpɑtɑɑ.

⁹Wɑɑsɩ-m mɑ kɑwɑlɑɣɑ tənɑ tɑɑ. Tɑɑ yele nɑ kʋmɛlɛməŋ woŋɩ-m.

¹⁰Pənɛntɛ mɑ sumɑɣɑ, mɑɑ kuliɣi nɔɣɔ. Mpi tɔ, nyɑ́ yelinɑ nɑ mɑ́ wɛɛ yɑɑsi ɩnɛ ɩ tɑɑ.

¹¹Hɑɩ, yele-m mɑpʋ kɛ mpʋ. Mɑ tɔm kɑ́ tɛ nyɑ́ niŋ tɑɑ.

¹²Yʋlʋ ɩsɑɣɑtʋ kɛ n hɔŋnɑ ɩ ŋkpɑŋʋɣʋ, nɑ ń wɑkələɣɩ ɩ weesuɣu ŋku ɩ sɔɔlɑ teu tɔ ɩsɩɩ sonsompəle wɑkəlʋɣʋ tʋɣʋ pile tɔ.