Sam 94:16-20

¹⁶Esei si turu toka nau koari na tie kaleadi? Esei si turu turaṉau pude varipera koari na tie pu tavetavete va sea?

¹⁷Be lopu toka nau e Zihova si rau, si be lopu sana ele mate tu si rau.

¹⁸Totoso zama si rau, “Hoqa nau,” gua, si ovulu sage nau Goi Zihova si rau koasa Mua tataru nabuna.

¹⁹Totoso ta duaṉa na talotaṉa si rau, si va manotau na va qetu au Goi.

²⁰Lopu boka somanae koa Goi sari na tie varipitui kaleadi, sapu va evaṉae nia guana hinokara sa vinilasa seana.