Sam 84:3-10

³Kamo tu koari na pitikole, ba tavete dia vori, meke sari na hiuheze ba ari dia kokoana tugo. Vasina kopu ni rini sari na tunadi tata pa Mua hope, kei Zihova Tadi na Qeto Minate; qua Baṉara meke na qua Tamasa.

⁴Tamanae tugo sarini pu koa koasa Mua Zelepade, meke kera vahesi Igo doduru totoso!

⁵Tamanae tugo sarini pu tava ṉiṉira koa Goi, sapu okoro ene sagea sa siraṉa la pa toqere Zaione.

⁶Totoso ene hola gua rini koasa lolomo pa Baka, si ta evaṉae na vasina koa ia na bukaha kolo lomosodi, meke kamo sa totoso ruku si siṉi sari na kopi koasa vasina asa.

⁷Ṉiṉira lala dia si arini pa dia inene, osolae ta dogoro sa Tamasa tadi na tamasa koa rini pa Zaione.

⁸Kei Zihova, Tamasa Tanisa Qeto Minate, Mu avoso mae au, kei Tamasa te Zekopi.

⁹Mu mana nia sa mami baṉara pu ele vizatia Goi, kei Tamasa.

¹⁰Kekeke rane pa Mua Zelepade si leana hola ni sari na tina rane pa votiki vasidi. Leana hola koa rau si pude turu mo pa sasadana sa vetu Tanisa qua Tamasa; hola nia si pude nuquru pa vetu tadi na tie kaleadi.