Pisalem 84:3-10

³Nia hagabuulinga manu lligi hogi guu hai nadau waehongo, ge guu hai nadau hale i golo. Digaula e benebene nadau dama i baahi au gowaa hai tigidaumaha, meenei Yihowah Koia e Aamua, go dogu king mo dogu God.

⁴E tenetene huoloo go digau ala e noho i lodo doo Hale, e dadaahili hagahagaamu Goe i nia madagoaa huogodoo.

⁵E tenetene huoloo go digau ala ne wanga ginai oo mahi, ala e hiihai huoloo e hula gi di Gonduu Zion.

⁶I di nadau madagoaa e lloo adu laa lodo di gowaa maangoo baba i Baca, gei di maa guu hai di gowaa e hali ai nia monowai. Gei nia uwa o di madagoaa ga uwauwa guu nngolo huoloo gu haga honu di gowaa deelaa.

⁷Digaula gu tomo aga gei gu maaloo mai i di nadau lloo adu, gei digaula ga gidee di God o nia god i hongo Zion.

⁸Meenei Yihowah go di God Koia e Aamua, hagalongo mai gi agu dalodalo. Meenei di God o Jacob, hagalongo mai!

⁹Meenei God, goe gi hagahumalia ina di madau king, di king dela ne hilihili Kooe.

¹⁰Di laangi hua e dahi i lodo do Hale Daumaha, la koia e humalia i nia laangi e mana (1,000) i nia madagoaa ala i golo. Dogu duu i di ngudu di bontai di abaaba o di Hale o dogu God, la koia e humalia i di noho i lodo nia hale o digau huaidu.