SAAMUNƆ 84:3-10

³Dii Zĩ̀kpɛde ma Kína ma Luda, baa sã̀tɛ̃ sà dↄ̀ n gbãgbãkii saɛ, taakaso kpɛ́ bò gwe à a nɛ́nↄ kàn.

⁴Aubarikadeenↄn gbɛ̃ kɛ̀ aↄ̃ↄ kú n ua guunↄ ũ, aↄ̃ègↄ̃ n táaki lɛɛ gurↄ píngi.

⁵Aubarikadeenↄn gbɛ̃ kɛ̀ aↄ̃ gbãaan n ũunↄ ũ, n ua gana yã kú ń swɛ̃̀ guu.

⁶Tó aↄ̃ↄe gɛ̃tɛɛ Baka guzurɛla, è gↄ̃ lán guu kɛ̀ ibↄkiinↄ vĩi bà, pↄ́tↄ̃gurↄ lou è tó aubarika dagula.

⁷Aↄ̃ gana guu aↄ̃ gbãaa ègↄ̃ kaaramɛ ai aↄ̃ gá káo n kiia Zayↄn.

⁸Dii Luda Zĩ̀kpɛde, ǹ ma aduakɛna sí, ǹ swã kpá ma yãzi, Yakubu Luda.

⁹Luda, ǹ kína kɛ̀ dɛ wa sɛngbango ũu gwa, ǹ wɛ́ɛ gↄ̃ tɛ́ kí kɛ̀ ń kàzi.

¹⁰Kuuna n ua gurↄ doo maamɛ dɛ kuuna gu pãndea gurↄ wàa sↄↄroola. Ma Luda ua zɛ́dãkparikɛɛ sì dɛ kuuna ua lɛdo kↄ̃n zaakɛrinↄola.