Kap 84:3-10

³Yawe Tapmɨm Ami, gak Kɨla Amɨn Madepno ae Piŋkopno. Bibagap ae bibagap gɨman da gak dakon alta da kapmatjok yutni aŋek pudɨgɨ kɨla amal.

⁴Mɨŋat amɨnyo gak da yutnon ekwaŋ uŋun kɨsɨk kɨsɨk aŋek bɨsapmɨ bɨsapmɨ mango awɨgɨk do kap yoŋ.

⁵Mɨŋat amɨnyo gak dakon tapmɨm tɨmɨgek Saion Kabapmon wɨgɨk do but dasi galak toŋ, uŋun kɨsɨk kɨsɨk tagɨ ani.

⁶Mɨktɨm kɨnda mani Mɨktɨm Kunam Pakbi Kulduk Gɨbaŋ, uŋudon kɨŋakwa uŋun mɨktɨmon pakbi gapma morapmɨ noman toŋ. Aŋakwa sɨkak maŋakwa pakbi gapmakon wɨŋoŋ.

⁷Uŋun amɨn kosit agek tapmɨm kaluk sigɨn paŋ. Uŋun Saion kɨŋ Piŋkop da ɨŋamon altokdaŋ.

⁸Piŋkop Yawe Tapmɨm Ami, bɨsitno nandaki. Jekop dakon Piŋkop, mɨrak pak yaŋsi yopmaŋek geno nandaki.

⁹Nin dakon kɨla amɨn madep do koki. Pasɨknin da yaŋ nin dam aŋek kɨlanin tagɨsi asak. Yawe, gaga kɨla amɨn madep egɨpjak do manjɨgɨl, do yo tagɨsi aŋ ɨbi.

¹⁰Nak gɨldat kaloŋ kɨndagɨn gak dakon yut da yomakon egɨpbeŋ kaŋ, uŋun da tagɨsisi asak. Uŋun da gɨldat 1 tausen tɨmɨ dukon egɨ egɨ asat uŋun yapmaŋ mudosok. Nak oman amɨn pɨŋbisi egek Piŋkopno dakon yoma kagakon yoma kɨla agak amɨni egɨp do but dasi galak taŋ kɨmokdot. Mani amɨn yokwi da yutnon egɨp do dɨma galak tosot.