Sam 45:13-17

¹³Tolavaena hola sa vineki tavia sapu sa kalaho tanisa baṉara. Ta piti turaṉae qolo sari nana poko sipu koa si asa koasa vetu baṉara.

¹⁴Visoviso va leleana sari nana poko totoso turaṉa la nia rini si asa koasa baṉara, meke luli la koasa sari kasa vineki pu turu turaṉia sa kalaho, meke turaṉa lani tugo rini si arini koasa baṉara.

¹⁵Pa qinetuqetu si ta turaṉa nuquru la sarini koasa vetu baṉara.

¹⁶Agoi na qua baṉara, kaqu soku sari na tumu koreo pude hodaia sa binaṉara tadi kasa tiatamamia pukerane, meke kaqu va evaṉae ni na tie totoli goi si arini pa doduruna sa popoa!

¹⁷Kaqu vata evaṉia rau sa vina balabalana sa pozamu pa doduru sinage na sage. Gua asa ke kaqu vahesigo rina tinoni si agoi ninae rane ka rane.