Buk Song 45:13-17

¹³Yangpela meri bilong king i stap long rum bilong em yet, na em i luk nais tru. Em i putim klos ol i bin wokim na bilasim long tret gol.

¹⁴Dispela klos bilong en i gat planti kala. Nau ol i bringim dispela meri i go long king. Na ol yangpela meri i poroman bilong em, ol i bihainim em i go.

¹⁵Ol i amamas na belgut na ol i go insait long bikpela haus king.

¹⁶Na yu, king, bai yu gat planti pikinini man, na bai ol i senisim ol tumbuna bilong yu. Bai yu givim bikpela namba long ol, na bai ol i bosim ol manmeri long olgeta hap bilong graun.

¹⁷Bai mi tokaut long biknem bilong yu na olgeta lain i kamap bihain bai ol i tingim yu oltaim. Olsem na ol manmeri nabaut oltaim bai ol i litimapim nem bilong yu.