SALMOS 45:13-17

¹³X̱tanle'e nak bi' no'le che benne' wnná bian' ḻo yo'o gan zoe'. Ẕa lánabe' nzin' da' x̱tan ka' da' zej naken oro.

¹⁴Wché'gake'-be' ḻaw benne' wnná bian', nákwbe' ẕa lánabe' dan' nwa'ḻe'en da' x̱tan ka'. X̱kwide' nó'ledo' ka' chjakbe' x̱kóže'lbe'. Nó'ledo' ki, no'le lježbe' ka', wché'gakbe' ḻebe' ḻaw benne' wnná bian'.

¹⁵Ḻo yeḻa' žebele, na' ḻo yeḻa' ba nez wché'gakbe' ḻebe', na' chó'ogakbe' ližo', benne' wnná bia'.

¹⁶Ḻo latje chegak x̱a x̱to'o ka' soagak ẕi'no' ka'. Gono' ga nna bia'gak x̱kwide' chio' ka' do ẕente yežlyó.

¹⁷Gona' ga chejsá' ḻáže'gak yógo'te benne' ka' lo'. Che ḻen wká'n ẕengak benne' ka' le' yógo'te yiz so', na' to chi'ize.