Sam 2:4-10

⁴Ba sa Baṉara Lavata sapu koa pa Maṉauru, si hegere ni na va sisire ni si arini.

⁵Beto asa si zama va bubugorae la i Sa si arini, meke va tarazuzu i Sa pa Nana ginegese sapu guahe:

⁶“Ba Arau, si ele va turua sa Qua Baṉara, pa Qua toqere hope sapu pa Zaione.”

⁷Zama sa Baṉara, “Kaqu tozi vura nia rau gua sapu zama nia e Zihova, sapu guahe: ‘Na Tuqu soti si Agoi, ṉinoroi si ta evaṉae na Tamamu Goi si Arau.

⁸Mu tepa mae koa Arau, meke kaqu ponigo Rau sa ṉiniraṉira, pude totolini sari na butubutu, meke doduruna sa kasia popoa si pude koa pa Mua kinopu, na Mua vinagi Goi!

⁹Kaqu tagoa Goi sa ṉiniraṉira lavata pude va kilasi, meke kaqu huara va ineti Goi si arini.’ ”

¹⁰Ego, mi koa gilae kamahire ba gamu na baṉara, mi koa tava balau gamu na tie totoli pa pepeso.