Psalms 2:4-10

⁴A me kotikot nanlan, kotin kiparamateki, o Kaun o kotin mamale kin irail.

⁵Eu ran a pan kotin kapun on ir ni a onion; o ni a onion lapalap a pan kotin kamajak irail.

⁶A nai kajapwilada ai Nanmarki pon dol en Jion jaraui.

⁷A nai pan padaki wei duen aude pan kapun en Ieowa! A kotin majani on ia er: Koe nai Ol, ran wet I kaipwi uk adar!

⁸Poeki re i, I ap pan ki on uk, en jojoki men liki kan, o en aneki imwin jappa kan.

⁹Koe pan kawe irail ekidi jokon mata, o kamor irail pajan rajon dal akan.

¹⁰Ari, komail nanmarki kan en dukidi, o komail jaunkapun en jappa kan en lolekonala!