SALMOS 2:4-10

⁴Pero Toteco catli itztoc nepa ilhuicac huan quinahuatía nochi, san quinhuetzquilis. Quena, san ininca paquis, pampa iixpa ya amo tleno ipati catli inijuanti quipilsencahuase.

⁵Teipa quema quiyolaxitise TOTECO, melahuac quinixcoilhuis. Huan ica miyac cualantli quinmajmatis huan quiijtos:

⁶“Ya nijtlalijtoc notlanahuatijca para tlanahuatis ipan altepetl Jerusalén. Yaya mosehuis ipan isiya yejyectzi nepa ipan notepe tlatzejtzeloltic catli itoca Sion.”

⁷Huan catli TOTECO quitlapejpenijtoc para itlanahuatijca quiijtos: Nitlayolmelahuas catli TOTECO nechilhuijtoc huan ya ni catli quiijto: “Ta tiTlanahuatijquetl, tiNocone. Ama nitlayolmelahua tlamiyacapa para na nimoTata.

⁸Techtlajtlani huan nimitzmacas nochi tlalme huan ininmasehualhua para moaxcahua. Quena, tijselis hasta nochi tlaltipactli para moaxca.

⁹Xiquinnahuati chicahuac quen se tlanahuatijquetl catli tlanahuatía ica tepostli imaco para ica tetlatzacuiltis. Quena, xiquinomiyopojpostequi mosisinijca masehualme quen elisquíaj soqui chachapalme.” (Quej nopa TOTECO quitequimacac itlanahuatijca ma quichihua.)

¹⁰Yeca, antlanahuatiani huan antequitini ipan tlaltipactli, ximotlalnamictica huan ximomocuitlahuica ica catli anquichihuaj. Ama xijtlacaquilica catli nimechilhuía quema noja anhuelij.