4مَرِفِ نَشَن نَ كٌورٍ مَ، نَ نَ يٍلٍقٍ عٍ مَ.
5عَ شْنْمَ عٍ مَ، عَ عٍ مَفَاشُمَ.
6عَلَ شَ مَسٍنيِ نَن يَ، «ﭑ تَن نَن مَنفّ سُفَندِ، ﭑ عَ دْشْ سِيٌنِ فٍيَ قَرِ، ﭑ مَ يِرٍ سّنِيّنشِ.»
7نَ مَنفّ سُفَندِشِ شَ مَسٍنيِ نَن يَ، «ﭑ شَ عَلَتَلَ شَ نَتّ مَسٍن وٌ بّ. عَلَ بَرَ عَ مَسٍن ﭑ بّ، ‹تٌ، عِ بَرَ قِندِ ﭑ مَ دِ رَ. ﭑ تَن بَرَ قِندِ عِ بَبَ رَ.
8عِ شَ ﭑ مَشَندِ ﭑ شَ سِ بِرِن قِ عِ مَ، عٍ شَ قِندِ كّ رَ عِ بّ. دُنِحَ بِرِن شَ قِندِ عِ فبٍ رَ.
9عِ عٍ يَمَرِ مَ سَوُرِ رَ، عِ عٍ كَنَمَ عَلْ وُرٍ قّحّ بْو مَ كِ نَشّ، عَ كٍبٍلَيٍ يٍنسٍن يّ.›»
10يَكْسِ وٌ تَن مَنفّيٍ، وٌ شَشِلِ سْتْ. كُنتِفِيٍ، وٌ بِرَ نْندِ قْشْ رَ.