SALMOS 55:1-7

¹NoTeco Dios, techtlacaquili quema nimotlatlajtía ica ta. Amo ximotlati quema nimitztzajtzilía.

²Techtlacaquili huan technanquili, pampa tlahuel nimotequipachohua huan nichoca pampa nitlaijiyohuía.

³Nocualancaitacahua nechtzajtzilíaj chicahuac huan quinequij nechmictise. Tlahuel nechcualancaitaj huan ica nochi inincualancayo nechtepotztocatihualahuij para nechtzontlamiltise.

⁴Nelía nechcocohua noyolo pampa nechitzquía se hueyi majmajtli.

⁵Quena, tlahuel nimajmahui huan nihuihuipica.

⁶¡Cuali elisquía sintla nijpiyasquía noeltlapal quen quipiya se paloma para huelisquía nipatlantehuasquía huan nimosiyajquetzati!

⁷Quena, nicholosquía hasta nepa campa huactoc tlalme catli mopantíaj huejca huan nepa nimocahuasquía.