Godigo Nogi Ugwaba Sabo Tęąbi Po Wabo Buku Dabe 55:1-7

¹Te Devitgo asęani balia po me deli dao. God, nago eno gedu haluasa po wabo odao. Nago eno gela wabode olo me pania sigio.

²Ae, nago eno gedu haluasa po bugagia odolama, tama enaba po wei ponao. Te sęgęgo ena mu dolainu ebo dao.

³Te boi bidi dabego ena dolabo po bomo mu yai. Te dwai bidi dabego ena aiyaba mu elalu yali. Tama tiyu, eno haliga te dwai sęgę mu yai. Augwaligo te sęgę hauwa enaba muyu, te wado po dali weyu yai, tama augwaligo enaba boi bidi mu ebao.

⁴Ena te augwalide wi umabo mu eyu, tama ena isabo homu elama, tama tego ena haliga sęgę mu ilibo dao.

⁵Awe, ena wi mu elama, tama eno tigi te didibili dwai mu ebao. Te wigo ena aiyaba mu elaluai.

⁶Tialima, eno te tama po wali, “Hobede ya, te eno homugo te ba dabego bogo tiwai sigi da homu yai. Tama ena bola pelama, te toma nabo pesage me deli gegelama, tama ena tede dugulalu dabo homu ebao,” wali.

⁷“Te ena digibulu mu bola pelama, tama ena te bidi meni yai pesageba mu bidigi paibao,” wali.