A Umana Kakailai 55:1-7

¹Kai nina i lue ra kakailai; ta ra pagol; a mari na kakailai kai David. God, una valongore kaugu niaring; Ma koko una ki ivai kan kaugu nilul.

²Una nuk pa iau, ma una torom tagu; Iau ngarangara ure kaugu kaina kini, ma iau oir,

³Ure ra tinata kai ra ebar, Ma tago ra umana tena varpiam dia arung bat iau; Dia vue ra kaina magit taun iau, Ave vargegelenai tago dia kulot.

⁴A balagu i takunuan tuna, Ma ra bunurut na minat i tadav iau.

⁵Ra ururian ma ra nidadar dir tadav iau, Ma ra bunurut i ta i manga tup iau.

⁶Ma iau ga biti: Gala ina vung ta bebeagu, da ra balu i vung ra bebeana! Gala ina vilau me, ma ina ngo.

⁷Ea, gala damana, gala ina ga vana irai vailik, Ina ga kiki arima ra pui. Sela.