Sabóor 97:1-8

¹Aji Sax jeey Buur, na àddina bég; dunoo dun bànneexu.

²Ay xàmbaar a ko yéew, njekk ak njub lal ab jalam.

³Sawaraa dox, jiitu ko, di xoyomi noonam wetoo wet,

⁴ay melaxam leeral àddina, waa àddina gis, di pat-pati;

⁵tund yi ne soyox seey fi kanam Aji Sax ji boroom àddina sépp.

⁶Asamaan a ngi biral njekkam, xeetoo xeet di gis darajaam.

⁷Gàcce ñeel na kuy jaamu jëmmi tuur, di puukarewoo ay yàllantu. Yeen yàllay xeet yépp, sujjóotal-leen kii,

⁸Siyoŋ dégg ca, bég, waa Yuda it di bànneexoo àttey Aji Sax jii.