Sabóor 90:3-15

³Yaay delloo doom aadama ci pënd, ne ko: «Yaw, doom aadama, dellul!»

⁴Junniy at ci yaw daa gaaw ni démb ak tey, mbete waxtu yu néew ci wattub guddi.

⁵Yaay buub nit, nelawal ko. Suba mu jebbi nim ñax,

⁶xëy, jebbi, naat; ngoon mu lax, wowal.

⁷Soo meree kay, nu sànku, nga xadaru, nu jàq.

⁸Sunuy ñaawtéef a ngi janook yaw, te sunu mbóot leer na la.

⁹Sunu giiru dund nga di nu mere, sunuy fan jeex ni noo guy naaw.

¹⁰Sunu àppu dund di juróom ñaar fukki at, ku dëgër ba dëgër, juróom ñett fukk; li ci ëpp di coonooku tiis, ne fëyy, nu wéy.

¹¹Ana ku xam sa dooley mer ak sa xadar ju raglu?

¹²Yal nanga nu xiir ci lim sunuy fan, ba nu mana dawal xel mu rafet.

¹³Aji Sax ji, délsil, loo deeti xaar? Ngalla yërëmal sa jaam ñi.

¹⁴Nu xëy, nga reggal nu sa ngor, nuy sarxolle, bànneexoo ko sunu giiru dund.

¹⁵Bànneexal nu limu fan yi nga nu mbugal, diirub ati tiis yi nu dund.