Sabóor 72:12-19

¹²Mooy xettliji aji tumurànke bu woote wall ak aji néewle ju sësul fenn.

¹³Mooy yërëm ku néewleek ku tumurànke, di sàmm bakkanu aji tumurànke,

¹⁴boole leen jot ci notaangeek loraange, ngir fonk seen bakkan.

¹⁵Yal na Buur gudd fan, yal nañu ko may wurusu Saba. Nañu koy ñaanal saa su ne, di ko saxoo, mu barkeel.

¹⁶Yal na pepp ne gàññ ci réew mi, yal na gub yay jaayu ca tund ya ni gottub Libaŋ; dëkk yu mag yi sëqi nit ba law,

¹⁷yal na turam sax, ba law fu jant tiim, yal na xeet yépp barkeele ci moom, te di ko ndokkle.

¹⁸Cant ñeel na Yàlla Aji Sax ji, Yàllay Israyil, mi wéetooy jalooreem.

¹⁹Cant ñeel na teddngaam, ba fàww, yal na teddngaam dajal suuf sépp! Amiin, Amiin!