Sabóor 68:23-30

²³Boroom bi nee: «Basan laay waññee noon yi, waññee leen xóotey géej,

²⁴ngeen mana xuus ci seen deret, seeni xaj séddu ci seeni néew.»

²⁵Céy Yàlla, gis nañu sa gàngoor di daagu, sama Yàlla, sama buur, sa gàngoor ba ca biir kër gu sell ga.

²⁶Woykat ya jiitu, xalamkat ya mujje, janq ji yéewe leen tëgg um njiin.

²⁷Dajeleen, di sant Yàlla, yeen askanu Israyil, santleen Aji Sax ji.

²⁸Giirug Beñamin a ngi jiitu, gën cee néew, njiiti Yuda topp caak seeni kurél, njiiti Sabulon topp caak njiiti Neftali.

²⁹Yeen, seen Yàlla dogalal na leen kàttan; éy Yàlla, jëfeel doole ja nga nu jëfeeloon.

³⁰Sa kër gi tiim Yerusalem, fa la la buur yiy indiley galag.