3Teewlu ma, nangul ma. Li may tawat a ma xañ jàmm, ub sama bopp;
4coowal noon yee ak coonob ñu bon ñi. Dañu maa teg fitna, di ma songe xadar.
5Sama fit a ngi rëcc, di tëf-tëfi; tiitaangey ndee ne ma taral.
6Njàqaree ma dugg, may kat-kati, musiba mëdd ma.
7Dama ne: «Éy ku may may laafi xati, ma ne fërr, noppluji.
8Xanaa ma naaw, ba sore, fanaani màndiŋ ma. Selaw.
9Naa gaawtu, seeluji ngelaw lu riddi ak ngëlén.»
10Éy, Boroom bi, beenal seeni wax, neenal leen. Damaa gis fitnaak xuloo ci dëkk bi,
Sabóor 55
Sabóor 55:3-10