Sabóor 14:2-7

²Aji Sax jee tollu asamaan, jéer doom aadama, di seet ku ci xelu, tey sàkku Yàlla.

³Ñépp lajj, bokk yàqu yaxeet. Kenn deful lu baax, du kenn sax.

⁴Aji Sax ji nee: «Xanaa ñiy def lu bon ñépp xamuñu dara? Ñuy lekk sama ñoñ niw ñam, te sàkkuwuñu Aji Sax ji.»

⁵Foofu lañuy tiite tiitaange lu réy! Du Yàllaa ngi ànd ak kuréli ñu jub ñi?

⁶Ku néewlee yaakaar, ngeen tas ko, waaye Aji Sax ji la làqoo.

⁷Ana kuy xettlee Israyil fa Siyoŋ? Éy bés bu Aji Sax ji delloo ñoñam ndam, ndaw mbégte ci giirug Yanqóoba! Ndaw bànneex laa ne, ci Israyil gii!