Sabóor 132:6-18

⁶Ma ne, Efrata lanu dégg gaalu Yàlla ga, fekk ko àllub Yaar.

⁷Nan dem ba këram, sujjóotali ndëggëstalu tànkam ya.

⁸Aji Sax ji, jógal agsi sa dal-lukaay, yaak sa gaal gi jëmmal sa doole.

⁹Say sarxalkat, yal nañu woddoo njekk, sa wóllëre yi sarxolleendoo.

¹⁰Xoolal ci Daawuda, sa jaam ba, bul gàntu ki nga fal.

¹¹Aji Sax ji daa giñal Daawuda dëgg gu mu dul dëddu, ne ko: «Ku jóge sa geño laay wuutal ci sa jal bi,

¹²te say doom, bu ñu sàmmee sama kóllëre, ak sama kàdduy seede yi ma leen di xamal, seeni doom it ñooy tooge sa jal ba fàww.»

¹³Aji Sax ji kat a tànn Siyoŋ, taamu faa dëkke.

¹⁴Mu ne: «Fii laay dal-loo ba fàww, fii laay dëkk, maa ko taamu.

¹⁵Dund bi, ma barkeela barkeel, néew-ji-doole yi, ma reggal;

¹⁶sarxalkat yi, ma wodde njot; way-gëm ñi di sarxollee sarxolle.

¹⁷Fa laay dooleele Daawuda, taalal ki ma fal,

¹⁸ay noonam, ma wodde gàcce; moom, kaalaam ne ràññ.»