Nimariu 37

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

¹E Besalel i ratea na kai a akas a Tava na Ngava Dagi. A niolana i 110 sentimita, a nibolana i 66 sentimita, a nipesina i 66 sentimita.

²I naviri na gol kabakaba a hini pololilo a hini polovavo, i naviri na gol olaola a harena.

³I rata na gol a halui i va, i kolo dili na vahana i va, i rua na tabeke koea, i rua na tabeke tara.

⁴Muri i kau na kai a akas a binole i rua, i naviri na gol.

⁵I rodo dili na halui ra binole nga, ne vona ni kaloho a tava.

⁶A tabeke polomeli na tava, a murina nidodo, ni rata na gol kabakaba. A niolana i 110 sentimita, a nibolana i 66 sentimita.

⁷I bolea a tabekena gol ni ubi na ama ni rata a agelo i rua, ru pasike na hirina murina nidodo.

⁸I tara i pasike na kanena, i tara i pasike na maurina. Ra agelo nga turana a murina nidodo ni rata na tabekena gol i taku.

⁹Ra agelo nga, ru vangalai, ru vulala tala a karapane rua ru kavitagua a matana tava.

¹⁰Ri ratea a dede na kai a akas. A niolana i 88 sentimita, a nibolana i 44 sentimita, a nipesina i 66 sentimita.

¹¹Muri ri kavitagua na gol kabakaba ri lili haluia a harena na tabekena gol ola ola.

¹²A harena dede ni kavitagu na lilina gol. A nibolana i 8 sentimita. Muri ri lili haluia vona a gol gatuka.

¹³Ri rata na gol a halui i va, ri kolo na nimodo i va na vahana dede.

¹⁴Ra halui nga, ni ru tabukoi na harehare polomeli, ne vona ni rodo dili a binole.

¹⁵Ri kau na tabekena kai a akas a binole, ri naviri na gol.

¹⁶Ri rata na gol kabakaba a maka mahalana dede, a maka tavila, a pelete, a kikei ne vona ni ratana a nihabi na vain.

¹⁷Ri rata tabua na gol kabakaba a butuna lam. Ri ubia na ama a tabekena gol, ri ratea a vuhu-butu ne vona ni vakapesi a butu. Ri rata loboa a butuna lam ri vakabagetua na maka keke ni rata na gol. A maki nga ri rata i manga a maki i taku.

¹⁸A butuna lam i tahoka a bakona i polotara. I tolu na tabeke koea, i tolu na tabeke tara.

¹⁹Ri vakabagetu a bakona takutaku na keke i tolu, i manga a purana kai a almon.

²⁰Ri vakabagetu a butuna lam na keke i va ni rata manga a purana a kai a almon.

²¹Ri rata a pagana keke kiroko, a pagana i taku i polotano na bako i rua.

²²A tabekena gol kabakaba ni tutu ni rata vona a maki nga i manga a maki i taku.

²³Muri ri bole a gol kabakaba ri rata a lam i polorua ne vona ni ru na bako, a maka pelete, a maka kaira ne vona ni kapi a kanono.

²⁴Ri bole a gol kabakaba i 34 kilo, ri rata a butuna lam turana a maka mahalana.

²⁵Ri ratea a dede na havu mangisipa na kai a akas. A harena i va i palupulupu i 45 sentimita, a nipesina i 90 sentimita. A dede i tahoka a tupina i va ni rata na nimodo na dede.

²⁶Ri kavitagu a hini polomeli, a gagana i va, a tupina i va na gol, muri i raro haluia a harena na tabekena gol ola ola.

²⁷Muri ri rata na gol a halui i rua ne vona ni rodo polo a binole. Ra halui nga, ni kolo tabukoi na harena polomeli.

²⁸Muri ri kau na kai a akas a binole i rua, ri naviri na gol ne vona ni kaloho a dede na havu mangisipa.

²⁹Muri ri ratea a nibiri, ra nibiri iea ni taba ne vona ni gamai a maki, a havu mangisipa i ratea a mari.