Sunglatnah 37

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

¹Bezalel loh rhining thing te thingkawng a yun dong nit ngancawn, a daang dong khat neh tintan, a sang dong khat neh tintan la a saii.

²Te phoeiah a khui a hman ah sui cilh a ben thil tih a kaep a kong khaw sui neh a saii.

³A kho pali dongah sui kutcaeng pali a hlawn. A vae khat ben ah kutcaeng panit, a vae khat ben ah kutcaeng panit om.

⁴Rhining thing thingpang la a suih tih sui a ben thil.

⁵Thingpang te thingkawng aka kawt ham thingkawng vae kah kutcaeng dongah a rholh.

⁶A tlaeng te sui cilh neh a yun dong nit tintan neh a daang dong at tintan la a saii.

⁷Sui cakben cherubim panit te a saii tih te rhoi te a tlaeng kah a hmoi rhoi ah a ben.

⁸Thingkawng tlaeng lamloh khat ben a hmoi ah cherubim pakhat neh khat ben a hmoi ah cherubim pakhat tih cherubim te a hmoi ah a hmuicue panit a saii.

⁹Cherubim aka om rhoi loh a phae a phuel hang rhoi tih a phae neh thingkawng tlaeng te a khu rhoi. A maelhmai rhoi khaw pakhat loh a manuca taengla mael. Te dongah cherubim kah maelhmai te thingkawng tlaeng soah hum uh.

¹⁰Te phoeiah rhining thing te caboei a yun dong nit neh a daang dong khat, a sang dong khat tintan la a saii.

¹¹Te te sui cilh a ben thil a kaep kah a khopnah khaw sui ni a saii.

¹²Te ham te a kae a kaep ah kutsom pakhat a khueh tih a kae soah a khopnah te sui neh pin a saii.

¹³Te ham te sui kutcaeng pali a hlawn tih kutcaeng te a kho pali kah a kil pali ah a buen.

¹⁴A kae kah voeivang ah caboei aka kawt ham thingpang rholhnah kutcaeng om.

¹⁵Caboei aka kawt ham thingpang te rhining thing a suih tih sui a ben thil.

¹⁶Te phoeiah caboei dongkah hnopai la a bael neh a yakbu khaw, tuisi a doeng vaengah kah a tuisi-am neh tui-um khaw sui cilh lamloh a saii.

¹⁷Hmaitung la sui cilh cakben neh a saii tih hmaitung kah a kho neh a bunang kong khaw a saii. Te lamloh a paimuem neh a rhaiphuelh om.

¹⁸A vae khat ben lamloh hmaitung kah a kong pathum, a vae khat hmaitung kah a kong pathum neh a kaep lamloh a kong parhuk cawn.

¹⁹A kong pakhat dongah rhaimuem rhaiphuelh neh noepai bunang pathum, a kong pakhat dongah khaw rhaimuem rhaiphuelh neh noepai bunang pathum a saii. Hmaitung lamkah aka cawn a kong parhuk dongah te tlam te a saii.

²⁰Hmaitung dongah noepai bunang pali khaw rhaimuem rhaiphuelh neh a khueh.

²¹A kong panit hmuiah rhaimuem pakhat neh, a kong panit hmuiah rhaimuem pakhat tih a kong parhuk a cawn dongah a kong panit hmui ah rhaimuem pakhat om bal.

²²Te lamkah a rhaimuem neh a kong te sui cilh a boh neh pakhat la boeih om.

²³Hmaithoi parhih neh a paitaeh khaw a baelphaih khaw sui cilh ni a saii.

²⁴Te hmaithoi a hnopai boeih te sui cilh talent khat neh a saii.

²⁵Te phoeiah rhining thing te bo-ul hmueihtuk a yun dong khat, a daang dong khat neh hniboeng la om tih a sang dong nit a ki khaw om.

²⁶Te te sui cilh neh a imphu neh a pangbueng phai khaw a ki khaw a ben thil tih hmui a kaep kah a khopnah te sui a saii.

²⁷Te ham te a khopnah hmui ah sui kutcaeng panit a saii. Te te hmueihtuk aka kawt ham thingpang rholhnah la a vae rhoi ah a buen.

²⁸Rhining thing te thingpang la a suih tih sui a ben thil.

²⁹Hmuencim kah koelhnah situi neh aka thungnom kutci bangla botui bo-ul cil khaw a saii.