Nɛɛmii 11 - Bibeli Luayãtaalá

Nɛɛmii 11

Click on verse(s) to share them!

¹Isaili dↄaanaↄ zↄ̃̀lɛ Yelusalɛũ, ↄ̃ gbɛ̃́ kĩniↄ gbɛlà an gbɛ̃́ↄ kwide mↄ zↄ̃lɛa Lua wɛ̃́lɛpi guu yã́ musu, an gbɛ̃́ kĩniↄ i gↄ̃ zↄ̃ɛwiaↄ guu.

²Wà uabele pↄ́ dↄ̀aa zɛ̀ ń kua Yelusalɛũoↄ sáaukpà.

³Yuda bùsu dↄaana pↄ́ zↄ̃̀lɛ Yelusalɛũↄ tↄ́ↄn kɛ: Isaili kĩniↄ, sa'onaↄ ń Levii buiↄ ń Lua ua zĩkɛnaↄ ń Salomↄↄ zↄ̀blen buiↄ zↄ̃̀lɛ Yuda bùsu wɛ̃́lɛↄ guu, baade ń a tↄↄlɛo,

⁴ↄ̃ Yudaeↄ ń Bɛ̃yãmɛɛ buieↄ zↄ̃̀lɛ Yelusalɛũ. Yudaↄ dↄaanaↄ tↄ́n Ataia ń Maaseao. Pɛlɛzi Maalalee ì, Maalalee Sefatia ì, Sefatia Amalia ì, Amalia Zakali ì, Zakali Uzia ì, ↄ̃ Uzia Ataiapi ì.

⁵Sela Zakali ì, Zakali Yoialibu ì, Yoialibu Adaia ì, Adaia Azaia ì, Azaia Kↄloze ì, Kↄloze Baluku ì, ↄ̃ Baluku Maaseapi ì.

⁶Pɛlɛzi bui gↄ̃gbãa pↄ́ kú Yelusalɛũↄ gbɛ̃ↄn ↄ̀aa pla ń bàaↄ̃kwi plasaioɛ (468).

⁷Bɛ̃yãmɛɛ buiↄ dↄaana Salu. Yesaia Itiɛli ì, Itiɛli Maasea ì, Maasea Kolaia ì, Kolaia Pedaia ì, Pedaia Yoedi ì, Yoedi Mɛsulaũ ì, ↄ̃ Mɛsulaũ Salupi ì.

⁸Aàpi gbɛa Gabai ń Salaio. Ampii gbɛ̃ↄn ↄ̀aa síiↄ̃ ń basoolokwi plasaioɛ (928).

⁹Zikeli nɛ́ Yoɛli mɛ́ ń gbɛ̃zↄ̃ↄ ũ, mɛ́ Asenua nɛ́ Yuda mɛ́ wɛ̃́lɛ gbɛ̃zↄ̃ↄ plaade ũ.

¹⁰Sa'on dↄaanaↄ Yoialibu nɛ́ Yedaia ń Yakɛ̃o

¹¹ń Selaiao. Lua ua dↄaana Aitubu Mɛlaio ì, Mɛlaio Zadoki ì, Zadoki Mɛsulaũ ì, Mɛsulaũ Ilikia ì, ↄ̃ Ilikia Selaiapi ì.

¹²An gbɛ̃́ pↄ́ aalɛ Lua kpɛ́ zĩ kɛↄ gbɛ̃ↄn ↄ̀aa síiↄ̃ ń bao ń plaoɛ (822). Sa'on dↄaana Adaia. Malakia Pasuu ì, Pasuu Zakali ì, Zakali Amɛzi ì, Amɛzi Pelalia ì, Pelalia Yolaũ ì, ↄ̃ Yolaũ Adaiapi ì.

¹³Aà gbɛ̃́ pↄ́ aa dɛ uabeleↄ ũↄ gbɛ̃ↄn ↄ̀aa do ń bla ń plaoɛ (242). Sa'on dↄaana Amasai. Imɛɛ Mɛsilemↄ ì, Mɛsilemↄ Azai ì, Azai Azalɛli ì, ↄ̃ Azalɛli Amasaipi ì.

¹⁴Aà gbɛ̃́ↄá gↄ̃sa gbãaↄnɛ, aa gbɛ̃ↄn basoolokwi plasaiɛ (128). Agedoliũ nɛ́ Zadiɛli mɛ́ ń gbɛ̃zↄ̃ↄ ũ.

¹⁵Levii buiↄ dↄaana Semaia. Buni Asabia ì, Asabia Azikaũ ì, Azikaũ Asubu ì, ↄ̃ Asubu Semaiapi ì.

¹⁶Levii buiↄ dↄaanaↄ Sabetai ń Yozabao mɛ́ Lua ua gbɛ̃zↄ̃ↄↄ ũ.

¹⁷Lɛ̀sin dↄaana Matania pↄ́ dɛ lousisin dↄaana ũ. Asafa Zabedi ì, Zabedi Mise ì, ↄ̃ Mise Mataniapi ì. Babukia mɛ́ aà plaade ũ. Bee gbɛa Samua nɛ́ Abeda, Galali tↄũna, Yedutu bui.

¹⁸Levii bui pↄ́ kú Lua wɛ̃́lɛuↄ gbɛ̃ↄn ↄ̀aa do ń basiiↄ̃sↄo mɛ̀ndosaioɛ (284).

¹⁹Bĩ́ibↄlɛdↄ̃anaↄ Akubu ń Talemↄo ń ń gbɛ̃́ↄ gbɛ̃ↄn baswaaↄ̃kwi ń plaoɛ.

²⁰Isaili kĩniↄ ń sa'onaↄ ń Levii buiↄ ku Yuda bùsu wɛ̃́lɛↄ guu, baade ń a tↄↄlɛo.

²¹Lua ua zĩkɛnaↄ ku Ofɛli sĩ̀sĩ musu. Ziha ń Gisepao mɛ́ ń gbɛ̃zↄ̃ↄↄ ũ.

²²Levii bui pↄ́ kú Yelusalɛũↄ dↄaanan Uzi ũ. Mise Matania ì, Matania Asabia ì, Asabia Bani ì, ↄ̃ Bani Uzipi ì. Aàpi mɛ́ Asafa bui pↄ́ aaì dↄaa ń lɛsiyão Lua uaↄ gbɛ̃do ũ.

²³Pɛɛsiↄ kía mɛ́ yãdìlɛ lɛ̀sinaↄnɛ, à yã́ pↄ́ aa kɛ lá gu lɛ́ dↄ dànɛ́.

²⁴Mɛsezabɛli nɛ́ Petaia pↄ́ dɛ Yuda nɛ́ Zela bui ũ ku kíapi kĩ́i Isailiↄ yã́gↄ̃gↄ̃a yã́i.

²⁵Yudaeↄ zↄ̃̀lɛ zↄ̃ɛwiaɛ beeↄ guu ń ń fã́anio: Kiliataaba ń a bualoũↄ, Dibↄ̃ ń a bualoũↄ, Kabazee ń a bualoũↄ,

²⁶Yesua, Mↄlada, Bɛpele,

²⁷Azaasuali, Bɛɛsɛba ń a bualoũↄ,

²⁸Zikilaga, Mɛkona ń a bualoũↄ,

²⁹Ɛnilimↄ, Zↄla, Yaamu,

³⁰Zanↄa, Adulaũ ń a zↄ̃ɛwiaↄ, Lakisi ń a fã́anio ń Azekao ń a bualoũↄ. Aa bɛkpà za Bɛɛsɛba e Bɛninↄũ guzulɛu.

³¹Bɛ̃yãmɛɛ buiↄ bɛkpà wɛ̃́lɛɛ beeↄ guu: Gɛba, Mimasa, Ai, Bɛtɛli ń a bualoũↄ,

³²Anato, Nↄbu, Anania,

³³Azoo, Lama, Gitaiũ,

³⁴Adida, Zeboiũ, Nɛbala,

³⁵Lodi, Onↄ ń Siaↄ guzulɛo.

³⁶Levii bui gãli pↄ́ kú Yuda bùsuu yãaeↄ bɛkpà Bɛ̃yãmɛɛ buiↄ bùsuu.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!

Nɛɛmii 1112345678910111213

Nɛɛmii 11
1
2
3
4
5
6
7
8
9
10
11
12
13