1Isirelibɑn wiruɡibɑ dɑ bɑ sinɑ Yerusɑlɛmuɔ. Mɑ bɑ tɛtɛ tobɑ bu kɑ tɔn tiɑ tiɑ wunɑ Isireli be bɑ tien wɔkuru bɑɑteren wɔllɔ. Berɑ bɑ koo sinɑ Yerusɑlɛmu wuu dɛɛrɔ ɡe sɔɔ, kpɑ nɔɔbɑ nnɛ be bɑ tie bu dɑ wuu si su tien mi.
2Be bɑ ɡɔ̃ru doke kɑ kĩru bu kɑ sinɑ Yerusɑlɛmu mi, tɔmbɑ bu domɑru kuɑ.
3Isirelibɑn berin wiruɡibu bɑ dɑ bɑ sinɑ Yerusɑlɛmuɔ mɑ Isireli be bɑ tie kɑ yɑ̃ku kowobu kɑ Lefibɑ kɑ Nɛtinibɑ kɑ sere Sɑlomɔɔn sɔm kowobun bibu bɑ dɑ bɑ sinɑ Yudɑn temɔ ben wusɔ.
4Yudɑbɑ kɑ Bɛnyɑmɛɛbɑ ɡɑbɑ bɑ sinɑ Yerusɑlɛmuɔ. Be bɑ sɑ̃ɑ Yudɑbɑ berɑ Atɑyɑ kɑ Mɑɑseyɑ, Osiɑsin bii. Atɑyɑ u sɑ̃ɑwɑ Sɑkɑrin debubu. Win sikɑdobɑrɑ Sɑkɑri kɑ Amɑriɑ kɑ Sefɑtiɑ kɑ Mɑhɑlɑlɛɛli kɑ Perɛsi. Mɑɑseyɑ u mɑɑ sɑ̃ɑwɑ Bɑrukun bii. Win sikɑdobɑrɑ Kolohose kɑ Hɑsɑyɑ kɑ Adɑyɑ kɑ Yoyɑribu kɑ Sɑkɑri kɑ Siloni.
6Perɛsin sikɑdominu be bɑ sinɑ Yerusɑlɛmuɔ ben ɡeerɑ sɑ̃ɑwɑ tɔmbu nɛɛru kɑ wɑtɑ kɑ nɔɔbɑ itɑ (468). Bɑ sɑ̃ɑwɑ tɑbu durɔ wɔruɡɔbɑ.
7Bɛnyɑmɛɛ be bɑ sinɑ Yerusɑlɛmuɔ, berɑ Sɑlu kɑ Gɑbɑi kɑ Sɑlɑi. Sɑlu u sɑ̃ɑwɑ Mɛsulɑmun bii, Yoɛdin debubu. Win sikɑdobɑrɑ Pedɑyɑ kɑ Kolɑyɑ kɑ Mɑɑseyɑ kɑ Itiɛli kɑ Esɑi. Be bɑ sɑ̃ɑ Bɛnyɑmɛɛn bweseru bɑ kɑ sinɑ Yerusɑlɛmuɔ ben ɡeerɑ sɑ̃ɑwɑ tɔmbu nɛnɛ kɑ wunɑɑ teeru kɑ nɔɔbɑ itɑ (928).
9Yoɛli Sikirin biiwɑ u sɑ̃ɑ ben kpɑro. Mɑ Yudɑ Senuɑn bii u mɑɑ sɑ̃ɑ ben wiruɡii yiruse.
10Yɑ̃ku kowo be bɑ mɑɑ sinɑ Yerusɑlɛmuɔ berɑ Yedɑyɑ, Yoyɑribun bii kɑ Yɑkini,
11kɑ Serɑyɑ, Hilikiyɑn bii, Mɛsulɑmun debubu, Sɑdɔku kɑ Mɛrɑyɔtu kɑ Akitubu wi u rɑɑ sɑ̃ɑ yɑ̃ku kowo tɔnweron sikɑdobu, kɑ sere tɔmbu wɛnɛ kɑ yɛndɑ yiru (822) be bɑ rɑ n sɔmburu mɔ̀ Yinni Gusunɔn sɑ̃ɑ yerɔ, kɑ Adɑyɑ Yerohɑmun bii, Pelɑtiɑn debubu, Amusi kɑ Sɑkɑri kɑ Pɑsuri kɑ Mɑɑkiyɑn sikɑdobu, kɑ sere tɔmbu ɡoobu kɑ weeru kɑ yiru (242), be kpuro yɛnu yɛ̃robu, kɑ Amɑsɑi, Asɑrɛlin bii, Akusɑin debubu, Mɛsilɛmɔtu kɑ Imɛrin sikɑdobu, kɑ tɑbu durɔ wɔruɡɔbɑ wunɑɑ teeru kɑ nɔɔbɑ itɑ (128). Sɑbudiɛli Gedolimun biiwɑ u sɑ̃ɑ ben wiruɡii.
15Lefi be bɑ mɑɑ dɑ Yerusɑlɛmuɔ, berɑ Semɑyɑ, Hɑsubun bii, Asirikɑmun debubu, Hɑsɑbiɑ kɑ Bunin sikɑdobu,
16kɑ Sɑbetɑi kɑ Yosɑbɑdi be bɑ sɑ̃ɑ sɔmbu te bɑ rɑ ko yɑɑrɑɔn ɡuro ɡurobu,
17kɑ Mɑtɑniɑ, Miseen bii, Sɑbudin debubu, Asɑfun sikɑdobu, wi u rɑ womu ɡbi bɑ̀ n Gusunɔ siɑrɑmɔ kɑnɑrun sɑɑ, kɑ win wɔnɔ turo Bɑkibukiɑ wi u rɑ nùn somi, kɑ Abudɑ, Sɑmuɑn bii, Gɑlɑlin debubu, Yedutum sikɑdobu.
18Lefi be bɑ wɑ̃ɑ Yerusɑlɛmuɔ kpuro ben ɡeerɑ sɑ̃ɑwɑ tɔmbu ɡoobu kɑ wɛnɛ kɑ nnɛ (284).
19Be bɑ rɑ sɑ̃ɑ yerun kɔnnɔ kɔ̃su, berɑ Akubu kɑ Tɑlumɔɔ kɑ wiɡibu. Be kpuron ɡeerɑ sɑ̃ɑwɑ wunɑɑ wɑtɑ kɑ wɔkurɑ yiru (172).
20Isireli be bɑ tie, kɑ yɑ̃ku kowobu kɑ Lefibɑ bɑ dɑ bɑ sinɑwɑ Yudɑn wusu kpuro sɔɔ, ben bɑɑwure u wɑ̃ɑ win temɔ.
21Nɛtinibɑ bɑ dɑ bɑ sinɑwɑ ɡunɡunɔ. Ben wiruɡibɑ Sisɑ kɑ Gisipɑ.
22Lefibɑn wiruɡii wi u sinɑ Yerusɑlɛmuɔ win yĩsirɑ Usi, Bɑnin bii, Hɑsɑbiɑn debubu. Win sikɑdobɑrɑ Mɑtɑniɑ kɑ Misee, Asɑfun bweseru sɔɔ. Asɑfun bwese te, tɑ sɑ̃ɑwɑ te tɑ rɑ womu ko Yinni Gusunɔn sɑ̃ɑ yerɔ.
23Sinɑ boko u wom kowo be woodɑ yiiyɑ ye bɑ koo swĩi kɑ sere mɑɑ sɔmɑ ye bɑ ko n dɑ ko tɔ̃ɔ bɑɑtere.
24Petɑyɑ, Mɛsesɑbɛlin bii, Serɑkin debubu, Yudɑn sikɑdobu, wiyɑ u sɑ̃ɑ Isirelibɑn sɔmɔ Pɛɛsibɑn sinɑ bokon mi.
25Yudɑbɑ bɑ dɑ bɑ sinɑ wuu sini kɑ sin bɑru kpɑɑnu sɔɔ. Wuu siyɑ Kiriɑti Aribɑ kɑ yen bɑru kpɑɑnu kɑ Diboni kɑ yen bɑru kpɑɑnu kɑ Yokɑsɛɛli kɑ yen bɑru kpɑɑnu
26kɑ Yesuɑ kɑ Mɔlɑdɑ kɑ Bɛti Pɑlɛti
27kɑ Hɑsɑɑ Suɑli kɑ Beri Sebɑ kɑ yen bɑru kpɑɑnu
28kɑ Sikilɑɡi kɑ Mɛkɔnɑ kɑ yen bɑru kpɑɑnu
29kɑ Eni Rimɔɔ kɑ Soreɑ kɑ Yɑɑmuti
30kɑ Sɑnɔɑ kɑ Adulɑmu kɑ yen bɑru kpɑɑnu kɑ Lɑkisi kɑ yen bɑru kpɑɑnu kɑ Asekɑ kɑ yen bɑru kpɑɑnu. Bɑ sinɑwɑ Beri Sebɑn di n kɑ dɑ Hinɔmun wɔwɑɔ.
31Bɛnyɑmɛɛbɑ bɑ dɑ bɑ sinɑwɑ Gebɑn di n kɑ dɑ Mikimɑsiɔ kɑ Ayɑɔ kɑ Betɛliɔ kɑ yen bɑru kpɑɑnɔ
32kɑ Anɑtɔtuɔ kɑ Nɔbuɔ kɑ Hɑnɑniɑɔ
33kɑ Hɑsoriɔ kɑ Rɑmɑɔ kɑ Gitɑimuɔ
34kɑ Hɑdidiɔ kɑ Seboimuɔ kɑ Nɛbɑlɑtiɔ
35kɑ Loduɔ kɑ Onɔɔ ye bɑ mɑɑ sokumɔ nɔmɑn sɔm kowobun wɔwɑ.
36Lefibɑ sɔɔ, be bɑ wɑ̃ɑ Yudɑɔ, ben ɡɑbɑ seewɑ bɑ wurɑ Bɛnyɑmɛɛbɑn temɔ.
