Mphattuwelo 4

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Atamu ahaathukumanana amwaarawe yeehaninya Eva, ni ale yahorupala irukulu ni yahonnyara Kayini. Ale yaheera: Ni nkavihero na Mwaneene Nluku kihomphwanya nlopwana.

²Ahorupala tho irukulu. Ula nkwaha ula ahonnyara Apeli, nhimaawe Kayini. Apeli aari nhakheli okhontwaa, ni Kayini aari mayoolima.

³Unaphilieene ukati, Kayini ahowana mihokorokho co mmattani wiira anvelelihere Mwaneene Nluku.

⁴Apeli ahowana nlipu no mihuwo cawe cootepa uneneva ni Mwaneene Nluku ahomwakhelela Apeli ni itthuvo cawe.

⁵Nanso ayo khayaamwakhelenle Kayini ni itthuvo cawe. Vaavale Kayini ahorusiya ni ahotthuka iyuuci.

⁶Vano Mwaneene Nluku ahomwiirela Kayini: Nlattuni we urusiyaka? Untthukelani iyuuci aa?

⁷We wapankaka yooreera, khunhala ukupaliya? Nanso waahipankeke yooreera, ucuwele wiira itampi iri wankhora ni inoowipithela. Iyo imphavela wuutthema, nanso we unlamuliya usintta.

⁸Wahoolo, Kayini ahomwiirela Apeli nhimaawe: Nrwee umattani. Ukati wakhalacilyaya umattani, Kayini ahontuphela nhimaawe nuumwiiva.

⁹Vano Nluku ahonkoha Kayini: Nhimaa Apeli ri vayi? Uyo ahaakhula eeraka: Akincuwela. Mi kihokhala mayonsunka nhimaaka?

¹⁰Vano Nluku ahonkoha eeraka: Ipankilyaa ila isiyani? Ukiviriyane: Ukhuma watthayani, iphome ya munnaa inakhuwela.

¹¹Vano uholaphiya we ni itthaya ihunle malaku wiira yaakhelele mmatatani mwaa iphome ya munnaa.

¹²Ukati unkelaa ulima watthayani, ila khinkela yoovahaka tho icaayira. We unkokhala namatthawatthawa ni nannyatha umwilaponi.

¹³Kayini aheerela Apwiya: Uttarusiya waka nwo uhotepa. Nkilevelele.

¹⁴Ilelo nnakoomola mwiilaponi mu, kiwiipithakani ni kitthawatthawaka toko nannyatha, kontha ntthu phi ntthu nohala ukikumanana uyo nokookiiva.

¹⁵Nanso Mwaneene Nluku ahomwaakhula: Khunhala ukhala commo. Ntthu amwiivaka Kayini, nokowiiveleliya ikuhukuhu imaara saapa. Ni Mwaneene Nluku ahomweesera Kayini nthonyero, wiira ntthu phi ntthu nohala unkumanana uyo himwiive.

¹⁶Vano Kayini ahokhuma wamiithoni wa Mwaneene Nluku ni ahorwaa ukhala ilapo yo Nooti, mphantte unkhuma ncuwa wo Eeteni.

¹⁷Kayini ahaathukumanana amwaarawe ni yahorupala irukulu ni unnyara Enoki. Wahoolo Kayini ahoteka iparasa awe, yaavahilyawe ncina na mwamwanawe Enoki.

¹⁸Enoki ahonnyara Iraati. Iraati ahonnyara Mewucayeli. Mewucayeli ahonnyara Metusayeli ni Metusayeli ahonnyara Lameki.

¹⁹Lameki ahaathela athiyana eeli. Amoca ayo yeehaninya Aata ni akina ayo, Silaa.

²⁰Aata ahonnyara Yapaali. Yaari athumwanaya atthu ankhalakhalaca mmaheemani ni mayoohuwa inama.

²¹Ncina na munnaawe neehaninya Yupaali, yaari athumwanaya atthu othene ammoopa ceece ni mpetta.

²²Siila ciicammo ahonnyara mwana mmoca eehaninya Tupalakayimi, aahana ikaruma cothene co ncukhuma ni coyuuma. Tupalakayimi ahaana mwanrokorawe eehaninya Naama.

²³Lameke aheerela asaarawe yeehaninya: Aata ni Silaa: Nkiiwace asaara a Lameki, mwiiwelele moolumo aka: Mi kihomwiiva nlopwana mmoca kontha hookirakaliha, ni mmirawo mmoca kontha hookinyakela.

²⁴Wakhalaka wiira Kayini nawiivelelihiya ikuhukuhu imaara saapa, Lameki wanwookhala sapini (70) uyo umwaakulelaca imaara saapa (490).

²⁵Atamu ahaathukumanana tho amwaarawe ni ale yahonnyara mwana nkina, yanvahile aya ncina na Seeti, yiiraka: Nluku hokivaha mwana nipuro na Apeli, yoole Kayini mwiivilyawe.

²⁶Seeti ciicammo ahonnyara mwana anvahile awe ncina na Enosi. Vano Yooyo ukati uyo, phapaceriyaya ulapeliya ncina na Mwaneene Nluku.