Miti Mânec 97:2-9

²Karorac â duŋdapâczi e râreckerâ fokac; tiŋne â mumutiŋ izi eri ŋeŋe‐ticnere hobeteŋ ekac.

³Ʒoczi bâruŋkehuc bâniecnekac, ehuc râsifâcne rârec rârec ʒâseŋ‐jopakac.

⁴Bâbâric‐ticnezi hae mâreŋ batamaekac; mâreŋzi honerâ ɋarac ɋarac qakac.

⁵Tiki jaŋe Wofuŋte maio du âtehuc dockeŋgopieŋ, mâreŋ sâko mâreŋte Wofuŋ ere maio.

⁶Sambâŋne sambâŋne jaŋe tiŋne‐ticne mutaniŋkeŋgopieŋ, â ŋicne ŋicne eri tatamac‐ticne honeŋgopieŋ.

⁷Ɋâŋ qâqâtâc babaju jaŋe mimi faio feŋgopieŋ, ɋâŋjeŋicte penaroŋ eeŋgopieŋ jaŋe hâcne; nemu sasawa mai‐ticnao dapeŋgopieŋ.

⁸Zioŋ e manarâ ʒeri ekac, Juda hae sâc jaŋe aŋac‐jopakac; Anutu gore mumutiŋte iŋuc fuakac.

⁹Wofuŋ, go mâreŋ sâko mâreŋ irec guriŋ bapa jukic hâcne, go nemu sasawa siric‐jopahuc fejâmbâŋkerâ jukic.